Tuesday, July 2, 2013

أحمد حلمى وكيف ضرب الستات


هى بقيت غية عند احمد حلمى خلاص يلطش للستات بالقلم فى افلامه؟ لازمته ايه القلم اللى اداه لابنه ومراته ده فى فيلم على جثتى؟ ولا اى معنى


فى ايه؟ ايه الهبل اللى احنا بقينا فيه ده؟ ضرب ستات كده عادى؟ لا والمهم مشهد عادى يعنى
وقال كمان عشان تبقى خل خالص فى مشهد تانى واحدة بتضرب واحد باقلم، قام هو قايل لها ماينفعش وهى اتضايقت انها عملت كده وقال يعنى حاجة وحشة اوى بتاع ... انما راجل يضرب ست قشطة مش موضوع اصلا.
وكمان جابوه بيوعد ابنه انه عمره ماهيضربه تانى ابدا. يعنى كل الضرب غلط ما عدا لو الراجل ضرب مراته بيس

واللى هيقول لى مش وقته دلوقتى، هاكله بسنانى، امال هم اللى بيتحرشوا وبيغتصبوا فى التحرير دول جايبينه منين؟ ماهم من ام ده مجتمع حتى الفن بتاعه ماعندوش اى مشكلة فى ايذاء الستات

لا وتلاقى تقريبا محدش اخد باله اصلا، الموضوع عاااااادى
طب تانى بقى:

الضرب مش عادى .. الضرب مش عادى .. الضرب مش عادى

اقول لكم حاجة ... جاتكو القرف





1 comment:

killer 300 said...

ايه ده
انتي بتقولي علي التحرشات و الأغتصاب الي حصلم و بيحصلوا بالتحرير
تبقي انتي من الأخوان
--------------------------------
و احب اطمنك خالص
انه بعد نجاح الأنقلاب العسكري بغطاء شعبي
فالعسكر هيعيدو احترام المراه المصريه تاني
و ست البنات و كشوف العذريه اكبر دليل
و الثوار " الجدد " هيحافظوا علي حقوق المراه تاني
و الصحفيه الهولنديه تشهد بكده - خدت من 9 الي 12 حفاظ جماعي مصور
---------------------------------
انا ما اعرفش ايه كام موقفك من التيار الأسلامي
لا زمان ولا دلوقتي
ولا يهمني اعرف في ظل زمن الكذب و التدليس و المتاجره بالدم و بمصر و بكل شئ
بس انتم المناديات بحقوق المراه قولتم ان الأسلاميين هيعذبوا المرأه و يكتفوها و يحبسوها
و لو انتي خلطتي كده و شفتي ميدان رابعه العدويه علي ال سي ان ان او الجزيره او ال بي بي سي
هتلاقي المرأه راشقه في قلب الميدان
محجبه و مختمره و منتقبه و مكشوفة الرأس
بدون لا تحرش و لا عنف
و لا حتي خوف من ان واحده فيهم تسمع لفظ خارج حتي ولو بحجة انه موجه لمخالفيهم
فأطمني خالص علي حقوق المرأه بعد الثوره الجديده
فكل يوم بيتأكدلي اكتر ان دعاة حرية المراه و حرية الرأي في مصر
بيحترموا فقط الحريه دي لو اختارة افكارهم
و يحتقروها و يغتصبوها و يقتلوها لو اخذت ارائ اخري
انشري يا استاذه ديموقراطيه