Saturday, December 28, 2013

ثوروا بس بجد

بالنوسبة لحوار "الناس زهقت من الثورة وكفرت بيها": فاكس
اللى كان فاكر ان الثورة هتجيب تغيير فى تلات سنين يبقى محتاج مخه يتفور من اول وجديد ويفهم الدنيا بتمشى ازاى

قشطة اللى نفسه قصير براحته
واللى عايز ياخد استراحة محارب حقه
انا شخصيا عشان مخلفة وبنتى رضيعة لسة مش قادرة اعمل حاجات كتير
ومش ضرورى على فكرة الثورة تعمل حاجة فى اول كم سنة
وطبيعى جدا جدا النظام المستفحل فى البلد يشم نفسه كم مرة ويحاول ينتصر لنفسه، ده السمكة وانت بتصطادها بتفلفص كم مرة. الروح حلوة برضه

لسة لسة
طولوا نفسكو شوية
والثورة مش بس فى الدستور ولا الرئيس، عادى يعنى الدستور بيتعمل غيره والرئيس بيتشال
الثورة فى انكو تربوا عيال ماترضاش تنضرب فى المدرسة عشان المدرس ده حاجة مهمة ولا يمكن يغلط
الثورة انكو تربوا عيالكو مايخبوش عليكم لما حد يعمل فيهم حاجة عشان خايفين انكو تلوموهم عشان هم مهما كانوا غلطوا مش من حق حد يهينهم او ييجى عليهم بالأذى، وعشان مش صح ولا منطقى نلوم الضحية
الثورة انكو تربوا بناتكم محدش ييجى جنبهم الا برضاهم ومايرضوش يتباسوا ويتقفشوا فى الشارع والكورنيش وكل خن عشان خايفين يتسابوا عشان هم بنات ومن غير الولاد يبقوا ولا حاجة
الثورة انكو تربوا ولادكم يبقوا رجالة مسئولة مش اعتماديين استهلاكيين مش عارفين يعملوا حاجة من غير اهاليهم وكل اللى يعرفوه عن الرجولة هو معاكسة اللى رايحة واللى جاية والتقفيش والبوس فى واحدة بالارهاب، وانه راجل لقطة
الثورة انكو تربوا عيالكم يرفضوا قهر المدير فى الشغل عشان هو مدير
الثورة مش على الرئيس بس، النظام اللى لازم يسقط هو اى سلطة متعسفة فى حقوقها وبتستغلها لقهر البشر. الثورة يعنى الأبوين والمدرس والمدير مايفتروش عشان هو كده والسلام
الثورة انكو تحاولوا تنجحوا فى حياتكم عشان مش منطقى ان الناس اللى مقتنعة ان ربنا كرمها فى دماغها يبقوا فشلة مش عارفين يعيشوا وبيعيشوا يموتوا مالهمش لازمة فى الدنيا وماعملوش حاجة
واللى فيكم عنده الظروف والامكانيات انه يفتح بيزنس خاص يعملها عشان مايبقاش ولاد ال**** بس هم اللى ليهم فلوس فى البلد
واللى يعرف فيكم يشترى اسهم فى مصنع السكر ولا شركة الدخان ولا اى حاجة حكومية يشترى عشان هو و ولاده يبقوا من الملاك فى البلد دى. انشالله سهم ولا سهمين

عادى يعنى، ذاكروا واشتغلوا واتجوزوا وخلفوا وعيشوا غصب عن عين مياتين ابوهم، الثورة تبقى فشلت لو كل ثورى قرر يموت بالحيا
تفتكر اللى بيتسجن هيحس انه عمل حاجة لما يطلع يلاقيكم وانتو برا ميتين اكتر منه هو اللى كان جوا؟ هو ده التضامن يعنى؟ لا اشتغلوا وانجحوا واما يخرج ساعدوه يشتغل هو كمان ودبوا انتو الاتنين صوابعكم الاربعين فى عين اتخن تخين

مايبقاش نظركم قصير
لو الواحد له انه يعيش 50 سنة بس، وعنده 30 لسه، فى 20 سنة كمان يثور فيهم
الثورة عقيدة
الثورة اسلوب حياة

ماتخيبوش بقى وخليكم "ثوريين" بجد


1 comment:

Langit Medan said...

Kami jasa seo terbaik 2016 dan tidak hanya jago SEO komentar saja tapi masih banyak lagi http://www.yaredilaia.com dan http://www.blogdoodey.info. Kami sangat jago dalam mengoptimasi website OBAT, MEBEL, dan lainnya. Khusus untuk OBAT itu adalah kata kunci bisnis dan sangat sulit di optimasi seperti VIAGRA, VIMAX , OBAT PEMBESAR PENIS, OBAT KUAT dan lainnya, banyak diantara anda kecewa dengan penyedia jasa seo yang anda pesan dan bahkan tertipu sampai jutaan. Kami adalah solusi anda mas, kami ahli dan pernah merankingkan website VIAGRA. Anda tidak percaya? Itu terserah anda mau percaya atau tidak, selama kami mengoptimasi website client belum pernah kami membuat mereka kecewa atau merasa tertipu. Invite kami di 51B333E5