Tuesday, April 21, 2015

عن خلع الحجاب والأسبرين والمستنقعات

اتعلمت من أول ما اتعلمت فى كلية الطب، إن أى شكوى من العيان زيها زى أى مشكلة. بنعالجها بترتيب ثلاثى:
1- سبب المشكلة الأصلى
2- التعامل مع الشكوى المقلقة
3- تفادى تكرارها والتعامل مع تداعياتها

يعنى ماينفعش عيان يبقى ضارب مشوار للعيادة، ودافع كشف، ومستنى دوره، عشان يقول للدكتور إن بقى له أسبوع بصداع مش بيروح، والدكتور يكتب له أسبرين!!
أولاً: فى سبب للصداع هو اللى لازم يتعالج، ومهما العيان بلبع أسبرين الصداع مش هيروح لإنه سببه موجود. إلتهاب أذن، أسنان، كشف نظارة، ضغط عالى… إلخ
ثانياً: لإن الجسم بيتعامل مع الأدوية بطريقة فيها نوع من التعود، يعنى بعد شوية الأسبرين لو كان بيهدى بنسبة 70% لمدة كم ساعة، النسبة والوقت هيقلوا شوية شوية.
ثالثاً: لإن الأسبرين ده بيتغسل فى الكلى وبيبهدل الدنيا، وبيجيب للمعدة بلاوى. مش إكلير هو.

ومن ساعتها - الله يكرمك يا دكتور حسين سويلم - وأنا محفور جوايا بديهيات ال problem solving بطريقة البحث عن أصل المشكلة.
المية من الحنفية مغرقة الأرض؟ مش هنفضل نلم المية من الأرض لآخر العمر. هنرمى حاجة على أول الباب عشان المية ماتبهدلش برا الحمام، ونجرى نقفل محبس المية. ولما المية تقف ممكن نمسح شوية عشان نعرف نلاقى مكان نقف فيه نشوف بقى أنهى بلاعة مسودوة ولا فى إيه.
غير كده المية هتفضل مغرقة الدنيا، وهنبهدل سقف الجيران ونخربها علينا وعلى اللى حوالينا.

لما نلاقى إن نسبة مهولة من إناث هذا البلد التعيس بيلبسوا لبس مفروض فى أصله تقرب من الله، وتحول إلى طقس مجتمعى يُمارس من البعض لفرض حالة عامة على المجتمع تسهل مهمة السيطرة عليهم. ماينفعش الحل إننا نجرى نخطف اللبس من عليهم، ولا نصرخ فى وشهم نقول لهم اقلعوه.
أولاً: مش هيحصل
ثانياً: مش هيحل حاجة
ثالثاً: طبيعة البشر وطبيعة الموقف، إن ده هيجيب نتيجة عكسية.

فممكن مثلاً يبقى فى حملة للتوعية بأصل الحجاب، وليه بيتلبس، بدل ما فى ناس بتتكلم عنه وكإنه الباب الوحيد للجنة لأى ست على ظهر الكوكب.

أصل المشكلة إن الست مالهاش أى إختيار حقيقى فى أى حاجة خاصة بيها. وده تربوياً وقانوناً

  • يعنى انتوا عارفين إن الست فى مصر لما بتتجوز، بطاقتها بيبقى مكتوب عليها إسم جوزها وجوزها مش بيتكتب فى بطاقته إسم مراته؟
  • طب انتوا عارفين إن الست فى مصر فى لايحة طويلة من القيود القانونية لحرية السفر لما بتتجوز؟ من إسم جوزها فى الباسبور، لحد حقيقة إن أى راجل متجوز ممكن يروح يحط إسم مراته فى قائمة الممنوعين من السفر؟
  • طب هل تعرفوا إن القانون المصرى مافيهوش أى مادة تجرم إغتصاب الراجل لمراته؟ يعمل فيها ما بدى له هو حر فيها.
  • طب الست المصرية لو اتجوزت أجنبى ماتعرفش تديه الجنسية. بس الراجل المصرى أما بيتجوز أجنبية يديها الجنسية
  • بس برضه يديها الجنسية بمزاجه. يعنى لو اتجوز أجنبية ممكن لو عايز يفضل سايبها بورقها الأجنبى ولو طلقها يا ترجع بلدها يا تترحل على بلدها. ملحوظة: أجنبى يعنى غير مصرى، مش بالضرورة أمريكية. يعنى مثلاُ السورية الغلبانة اللى بلدها عاليها واطيها اللى فى بيتجوزوها بخمس آلاف جنيه… برضه أجنبية
  • طب انتوا عارفين إن الست فى مصر لاتصلح كضامن فى القسم؟ لازم راجل
  • الطلاق الغيابى حتى الآن (فى 2015!!) لسه قانونى فى مصر. يعنى تبقى قاعدة لا بيكى ولا عليكى، ييجى لك راجل غريب بورقة إنك اتطلقتى وانتى مش دريانة. عشان هو حب يطلق
  • الست فى مصر لاتملك حق إنها تطلق نفسها. الخيارات عندها يا تطلبها من جوزها وتستنى موافقته، يا تخلع نفسها فى المحكمة بعد ما تستوفى أسباب ترتاح لها المحكمة وتدخل حد يشهد إنه حاول يحل ومانفعش وتتنازل عن كل حقوقها المادية وترجع المهر، يا ترفع قضية إحتمال تكسبها لو كانت عندها أسباب قوية من وجهة نظر المحكمة وطبعاً مع فرضية إنها معاها فلوس محامى. لكن إنها تحب تطلق فتطلق لأ
  • برغم إن القانون وقبله الشرع بيدوا الحق للزوجة إنها تكون عارفة إن جوزها اتجوز ست ثانية، وعليه لو عرفت ورفضت الوضع لها الحق فى الطلاق، تقريباً مفيش ولا مأذون ولا حد فى مصر بيفعّل القانون ده، وكل الأطراف بتتجاهله لإنهم شايفينه تجنى على حق الراجل "المطلق" فى إنه يبدل فى الستات. وأصلاً القانون ده له صلاحية معلوماتى إنها سنة، بعد السنة خلاص تخرس بقى.
  • لحد النهارده الراجل ممكن "يقتل" مراته أو أخته أو بنته أو أمه لشكه فى سلوكها، وهيطلع براءة. ولو هى عملتها لو شافت جوزها بينام مع واحدة ثانية هتاخذ فيها مؤبد أقلها.
  • لحد النهارده مفيش أى تطبيق حقيقى للقانون الهزيل اللى بيجرم العنف ضد المرأة وفقط ف حالة الزوج. أصل القانون إن الست لو جوزها بيضربها لازم تستنى أما يجيب الدم من وشها وتروح بالدم ده للقسم عشان يبيتوها عندهم لما الطبيب الشرعى ييجى ويثبت وجايز حاجة تحصل وجايز لأ. لكن لو بيضربها بشكل مستمر قشطة يعنى مراته وإحنا مانعرفش اللى بينهم. ومفيش حاجة إسمها واحدة تبلغ إن أبوها بيضربها، أو إن أخوها بيضربها. عادى يعنى بيربوها وكده. ما هى كأنثى مولودة أصلاً عندها مرض نقص التربية.
  • مفيش أى قانون حقيقى للتصدى لتحرش وإعتداء أساتذة الجامعة وأصحاب الشركات على الطالبات والموظفات. ولحد النهارده دكتور الجامعة مش بيتحاسب لو عاكس طالبة أو عمل أكثر من كده. لازم يكون اغتصبها اغتصاب كامل، عشان هى تقوم زى الشاطرة باللى عليها وجواها للقسم عشان ياخذوا عينات وجايز حاجة تحصل وحاجة لأ. ومفيش أى قانون بيلزم الكليات اللى فيها إمتحانات شفوية بتسجيل الإمتحان صوتى أو فيديو. يعنى سلطة مطلقة على الطالبة وجدعة بقى لو اتكلمت.

صعب أوى يكون ده المستنقع اللى إحنا قاعدين فيه، وبعدين نتكلم كده بصوت عالى "فقط" عن الحجاب ونتخيل أى حاجة إيجابية.
أنا كل ده بكلمكم عن القانون. ماجيبتش سيرة التعاملات العادية من إن العمال لازم يشوفوا راجل عشان يشتغلوا عدل، وإنى دكتورة محترمة عندى 34 سنة بكلم صيانة الغسالة اللى بيرد علىّ شايف إنى بالغت أوى فى رد فعلى لما كررها كذا مرة إنه يقول لى "يا مدام مهند" رغم إنى عرفت نفسى فى أول المكالمة إنى "دكتورة إيمان". وبرضه ماتكلمتش فى يعنى إيه الست فى مصر تكون سمرة أو وزنها زايد. ولا هاتكلم فى إن لحد يومنا هذا كل مظاهر العنف المباشر والغير مباشر ضد المرأة موجودة فى الدراما المصرية على سبيل العادى أو الهزار

ماينفعش كل الطحالب والحشرات والفيران والريحة العضوية اللى من كل حاجة دى، ويكون كل الحل اللى عندنا فقط هو قلع الحجاب، لإنى ساعتها هكون زى الدكتور اللى ساب عيان ضغطه عالى وهو مش دريان وكتب له على أسبرين ثلاث مرات فى اليوم


4 comments:

sara said...

To the point as usual, God bless you

Eman Hashim said...

Thank you, Sara :)

Mohamed Said said...

فيه ناس لسه عايشه فى الجهل و التخلف موصلوش ان فيه حريه و اختيار و تقبل لراى الاخرين ودة فى الاغلب بيكون بسبب نقص عندهم

Ramy Gamal said...

هل تخطط للقيام بأعمال تنظيف لمنزلك؟ تبدوا الفكرة مثيرة جداً للتفكير بأن شخص أخر سيقوم بالمهام الصعبه عنك وعاده ما تكون تلك المهام هي مسؤليتك الشخصيه، هذا أيضاً يعني أنك ستغادر عملك فى نهايه اليوم وانت تعلم أن هناك شخص أخر يهتم بالمنزل الذي تعيش فيه ويجعله نظيفاً وجديداً وعلي أتم إستعداد لكم.
لهذا من أجل الحصول علي أقصي إستفاده من هذه التجربه يجب عليك الاستعداد لهذه التجربه لضمان سير العمليه بأكملها بسلاسه وحرفيه ولجعل العمليه أكثر كفائه.
لهذا يجب الاخذ ببعض الاعتبارات والتوقعات مثل: قائمه المهام المحدده من قبل الشركه والتفق عليها مع العميل شركة تنظيف منازل بالرياض
ويجب الأخذ بعين الاعتبار ان كل شركه توفر جدول مهام يختلف عن الشركات المماثله فى هذا المجال مثل تنظيف النوافذ بعض الشركات تقوم به والبعض الاخر لا تقوم بها،تنظيف السجاد يمكن ان يتواجد فى قائمه مهام شركه ولا يتواجد فى قائمه شركه أخري،وهكذا بالنسبه للأسعار فقد يتضمن السعر بعض المهام المدرجه فى القائمه وخدمات اخري تتطلب دفع المزيد من الاموال للحصول عليها.
وللحصول على تلك المعلومات يمكنك البحث علي الانترنت أو التواصل هاتفياً مع أحد ممثلي خدمه العملاء ومعرفه كافه التفاصيل قبل تحديد المقابله شركة تنظيف بالرياض ، إذا تمكن العميل من جميع المعلومات المطلوبه وتحديد ما هي الخدمات التي يريدها بالضبط ستسير العمليه باكملها بسلاسه تامه واحترافيه، تأكد من أنك كعميل تعرف ما تتوقعه وماهوا الافضل لك كعميل.
يجب وضع قائمه بالشركات التي تقوم بخدمات تنظيف المنازل فى المنطقه التي تقيم بها، معظم الناس يحاولون تجنب تنظيف الحمامات إذا كان ممكناً، أما بالنسبه إلي المطبخ فهو علي رأس القائمه فى شركات التنظيف وهوا من المهام التي تؤديها شركات التنظيف، كما يتم التعامل مع الامور التي تحتاج قدراً كبير من الاهتمام أولاً.
قبل الحصول علي خدمه تنظيف المنازل يجب عليك ان تمر بجوله حول المنزل في جميع الغرف ومحاوله إلتقاط سريع للاشياء والقطع الهامه، وإقصاء جميع اللابس ووضعها فى الاماكن الخاصه بها ويجب عليك ان تتأكد من أن الحمام والمطبخ خاليان تماماً من اي اغراض للتأكد من سير العمليه بسلاسه وإحترافيه كامله. وللتأكد من أن عمال التنظيف سيركزون علي المناطق التي تحتاج الي تركيز بعيداً عن اي تشتيت.
الحرص علي كل هذه الاشياء يجنبك من الوقوع فى اي مشاكل وتجنب العقبات، يجب أيضاً التأكد من كل عامل فى مكانه المحدد ويقوم بوظيفته المتفق عليها فى الوقت المتفق عليه وسوف يشعر العميل برضاء كامل عندما يغادر العمال من المنزل ويجده مهندماً ونظيفاً ويبدو براقاً، أكثر ماهوا ممتع هوا انك ستعود للمنزل وانت متأكد من أنه ليس هناك شئ لفعله.
قد تكون خدمه التنظيف المنزلي هيا افضل استثمار لمستقبلك، بعض الاشخاص لا يعلمون مدي توسع وانتشار الخدمات التي توفرها الشركات المختصه، كل هذا يتوقف علي إحتياجات العميل.
إذا كنت تعاني من الحفاظ علي كل شئ نظيف ومرتب فى مكانه وفى نفس الوقت أنت تشعر بأنك لن تستطيع تغطيه النفقات لخدمه تنظيف المنازل، فكر مجدداً لان الشركات المحترفه ستقوم بالكثير عنك بالاضافه إل ان السعر سيكون معقولاً جداً.
خدمه تنظيف النازل قد توفر لك الراحه التي تبحث عنها بالأضافه الي الرعايه الكامله ، في الاجتماع الاولي بين العميل وممثل الشركه يتم فيه التحدث عن خيارات الشركه المتاحه بالأضافه الي خطط الاسعار المختلفه، ويمكنك إستخدام الخدمات المحدوده التي تريد وهذا علي حسب رغبات العميل.