Sunday, May 16, 2010

جمهوريةالقلب ... الرحمة يا رب


جمهورية قلبي - محمد اسكندر

كلّ ما قلبي عم ينبض و بعزّي
بتبقي ملكة و ما بقبل تنهزّي
شغلي و سهري و تعبي عشانك
عندي فيهن لذّة

نحنا ما عنّا بنات تتوظّف بشهادتها
عنّا البنت بتدلّل كلّ شي بيجي لخدمتها

شغلك قلبي و عاطفتي و حناني
مش رح تفضي لَ أيّ شي تاني
بيكفّي إنّك رئيسة جمهوريّة قلبي

شيلي الفكرة من بالك أحلالك
ليش بتجيبي المشاكل لحالك
تَ نفرض بقبل تشتغلي
شو منعمل بجمالك

بكرا المدير بيعشق و بيتحرّك إحساسو
و طبيعي إنّي إنزل هدّ الشّركة عَ راسو

شغلك قلبي و عاطفتي و حناني
مش رح تفضي لَ أيّ شي تاني
بيكفّي إنّك رئيسة جمهوريّة قلبي

حقوق المرأة عَ عيني و عَ راسي
بس يا ريتك بتراعي إحساسي
وجودك حدّي بيقوّيني
و هيدا شي أساسي

شو هالوظيفة اللّي بدّا تفرّقنا بيني و بينك
....
بي المصاري بحرقها كرامة عينك

شغلك قلبي و عاطفتي و حناني
مش رح تفضي لَ أيّ شي تاني
بيكفّي إنّك رئيسة جمهوريّة قلبي

طيب ... انا مش هاتنرفز, ولا هاكسر الدنيا, و لا هاتدايق. غاية ما هنالك هاجيب طوبة ادينى بيها على دماغى عشان ارتاح خالص بقى من المناظر دى.
ده مين ده كمان ان شاء الله؟؟ احنا ناقصين؟
لأ و ايه؟ جمهورية قلبه! قلبه جمهورية!! هى الذات بينفع تتضخم للدرجة دى؟ ماهو اللى يقول كده اكيد عنده تضخم فى الذات لدرجة انها طابقة على مراوحه و ضاغطة على خلايا مخه.
اللى زى دول مرضى و علاجهم واجب على كل مواطن.
و حسبى الله و نعم الوكيل فى كل ست بتخلف و تربى ابنها يطلع يقول الكلام ده. اصل البلاوى دى بتبقى ام ربت ابنها على انه فلتة بشرية لن تتكرر و عالم الستات ده موجود فى الدنيا لخدمة و مراعاة هذه الفلتة الكونية المتمثلة فى شخص سعادة جنابه.
كفاية عليها انها تكون رئيسة جمهورية قلبه صحيح ... هى حاتنهب ولا ايه؟!
عارفين بقى المقلب فين؟ ان دول اما بيتجوزوا ستات مش وراهم حاجة غيرهم بيتخنقوا منها, و يشتكوا انها فوق دماغه على طول, و انها معتمدة عليه فى كل حاجة!!
و كمان الباشا غيور, خايف لجمال مراته الفتاك يفتن مديرها فيعاكسها و هى نظرا لانها قليلة الحيلة الحل الوحيد ان هو يروح يكسر الشركة على دماغه ... لأ شنب!!!
طب انا عايزة اكسر حاجة بجد ... ايه ده؟؟ الرجالة دى مش هاتخلص بقى؟ و الستات هاتفضل تخلف رجالة يمرعوهم كده لحد امتى ؟
سؤال تانى ... هى دى الرجولة؟ انك تحطها فى شكل حياة انت بالنسبة لها المية و الهوا؟ مالهاش حد ولا حاجة و لا منفذ ولا ملاذ غيرك؟
الرجولة انك تبقى جنبها مش فوق دماغها و كابس على نفسها!
الرجولة انك تسندها مش تتبناها ... هى عندها اب و ام, موجودين او لأ, كويسين او لأ مش قضيتك, انت زوج مش بديل للأب!
الرحمة يا رب!


7 comments:

Kontiki said...

جنس ملتة اية دة يا منة اللهجة دى مش مصرى و اللينكات مش بتفتح اصلا انتى اية اللى يخليكى تفتحى مواقع الضغط العالى والسكر دى
:)
كل ذكر حصر امجادة فى انه بيشتغل و يتعب عشان الست طب ما احنا كمان بنشتغل و نتعب وبنعرف نكسب فلوس كويس جدا مش معضلة يعنى وبعدين الشغل من اساسيات الشخصية هو شايفها تعب و سهر وهو فى الحقيقة اسلوب حياة صحى عشان تكتمل شخصيتة
جمهورية قلبة و عاطفتة وحنانة
هههههههههههههههه
هم شغلة الست المحروسة حرمة الكلام اللى عاوزة اكتبة قبيح جداا واضح ان مفيش فى دماغة غير اوضة النوم بس
طبعا هو رافض شغلها عشان شايفها محظية رئيس جمهورية قلبة المتشحتف
هههههههه
الصبح تقديها دلع وبالليل دلع ومسخرة برضة عادى يعنى فاضيين هما وربى دى هلاوس جنسية
هههههه
وبعدين الفكرة فعلا مش شغل الست او لا
انا بشتغل وانتى بتشتغلى و ممكن نسيب شغلنا عشان بيوتنا عادى مش قضية كبيرة القضية انك تلاقى البارتنر اللى يستاهل و يقدر و يحترم و يفهم و يحتوى ويبقى حاجات كتير قوى فى شخص واحد
والنبى يا منة بلاش مواقع الضغط والسكر كفاية علينا اللى شفناة مش ناقصة شعر مرضى هوس الجنس و الدلع وانا ذكر اذن انا موجود
:)

Eman Hashim said...

ههههههههههههههههههههه
ضبطت لك اللينك
اخلص اللى باعمله و جيالك

Kontiki said...

خبر اسود
دة طلع مطرب يعنى مش بلوجر تاثيرة محدود
دة شعر و موسيقى و انتشار واسع للمعنى
علية العوض ومنة العوض

Eman Hashim said...

آه يا حبيبتى
اسود و مهبب كمان

يا عينى عليكى يا رجولة! ياللى اتبهدلتى مع اشباه الرجال

الواحد مش عارف يلاقيها منين ولا منين

طب انكد عليكى و اغيظك اكتر؟
اللى كاتب كلمات الاغنية يبقى ابنه فارس اسكندر
و نعم التربية
و زغردى ياللى مانتيش غرمانة

هو فعلا زى ماقلتى
ضغط و سكر

مصرية said...

ههههه .. عسل والله يا إيمي .. فينك يا بنتي لا حس ولا خبر ولا موضوع حتى .. بقالي فترة أخش المدونة وما لاقيش موضوع جديد أزعل وأتأثر ونفسيتي بتتكسر .. موضوعك ده فكرني بفيلم الباب المفتوح بطولة فاتن حمامة عن رواية للأديبة والصحفية الرائعة لطيفة الزيات .. أما صالح سليم بعتلها جواب في الفيلم وكان بيقولها .. أنا أحبك يا حبيبتي لكني لا أريد منك ان تفني كيانك في كياني .. إنما أريد أن يكون لك كيانك الخاص

Eman Hashim said...

آآآآآآآآآآآآآآآه
اه يانا يابا

فينك يا لطيفة الزيات تيجى تشوفى الهنا اللى احنا فيه

كيان؟؟ الست ليها كيان؟؟ ايه الخيال العلمى ده؟؟

كونتيكتى ... انتى مش جاية القاهرة قريب؟ نفسى اشوف وش حلو

Langit Medan said...

VIAGRA
OBAT ASAM URAT
OBAT PEMBESAR PENIS
OBAT DIABETES ALAMI