Monday, January 17, 2011

خلاص, زمن ال ... ... راح خلاص

 
انا بقالى فترة اللى يبص لى فى الشارع بازغر له, و اللى ينطق ولا يستظرف بابص فى عينه. المفاجأة انه غالبا بيتلم. كنت فاكرة انه هايقول لى ايه فى ايه ولا يتكلم ولا يتريق, غالبا بيتفاجىء و يخرس. و من كم يوم كنت هازق واحد فى محطة المترو عشان يقع قدام المترو, بس الزغرة لمته.


كله كوم, و اللى يقف بالعربية و يقول لى تعالى و على عينه نظرة "انا هبة اللى على الارض" ده كوم تانى. لأ و ابص الناحية تانية و امشى بعيد مفيش فايدة.
بقيت بازغر لبتوع العربيات كمان, و بعدين بقيت بازغر و ازعق "نعم؟؟" "عايز ايه". بعدين تطور الامر انى امبارج استخدمت لغة الاشارة المعروفة دوليا. اصل ده بالذات بقى كان مصمم, اللى هو ده اللى فيهم. و انا اخرة الحركات هوافق طبعا.
كنت واقفة مستنية تاكسى. اول ما ركبت التاكسى و اتحركت, هو طبعا مشى بالعربية, و فى لحظة كده كنت فى التاكسى جنب عربيته, قمت شاورت له... طبعا سواق التاكسى اتفهش بس مش مهم.
و انا مروحة حصل نفس الحوار, و مرتين, الظريف الاول زعقت له و خلاص. التانى كنت جيبت اخرى بقى. قمت وطيت و عملت انى ادور على طوبة احدف عربيته بيها!


بصوا... من هنا و رايح, اللى حايهدى بعربيته قدامى هحدفه باللى هلاقيه. و هو و حظه, لقيت طوبة اكسر له بيها الازاز قشطة, امبارح كنت واقفة قدام فكهانى فكان ممكن احدفه ببرتقانة على الازاز عادى, ان شالله هاخد طين من الارض و احدفه ع الازاز, و الله بقى لو كان فاتح الشباك و الطين جه عليه.
و يبقى ينزل من العربية و يفتح بقه و يعترض بقى, و يبقى يروح لمراته يقول لها ايه اللى لغمطته فى الطين ولا مين اللى كسر له الازاز.


و محدش يقول لى فى ستات بتعمل كده. ماشى فى بتعمل كده بس مش انا. و طالما هو قرر يخاطر و يجرب, يبقى يتحمل نتيجة التجربة بقى فى انها ممكن تطلع مجنونة و تحدفه بأى حاجة.
اشمعنى انا اللى لازم اخاطر اما انزل فى الشارع ان ممكن يكون فى رجالة سفلة؟


و الاخوة العباقرة بتوع انتى اللى شجعتيه يخرسوا. و يحاولوا يفهموا ان فى الجو ده اصلا حتى لو عايزة البس كده مش هاعرف. انا مش باعرف اتحرك اصلا من كتر اللبس, و الكوفية اللى جوا البالطو اللى فوق الجوانتى غير الايس كاب اللى على الايشارب, غير البلوفر اللى برقبة, فبلاش ام الفتى المستفز.


و تاااااااااانى ... عشان ابقى حذرت و بوضوح, اللى هايقف لى بعربيته يقول لى تعالى, هحدفه باللى الاقيه قدامى


استبينا؟



28 comments:

ياسين السويحة | Yassin Swehat said...

يا ريت الكل يعمل هيك, كان هالمرضانين ما تجرأوا.. اللي يشجعهم هو صمت الضحية خوفاً من "الفضيحة" ..

تحية

Unknown said...

انا فاض بيا خلاص يا ياسين
و الشرطة لا تساهم الا فى دعم المرضانين على تعبيرك السليم

انا عملت كده من غيظى, و هى فعلا مالهاش حل تانى

تحياتى ليك من القاهرة الباردة جدا

Lola said...

انا ماشيه بنظريه ...بوز شبرين عفاريتي طالعه ومتنطتته اي كلب هيفكر يفتح بؤه ..ليلته سوده وايه بتبص علي ايه في حاجه :@ ..والحمد لله بتجيب نتيجه هايله

Unknown said...

جدعة يا لولا
هو ده

برافو عليكى
استمرى

Unknown said...

شكلك جبتي أخرك خلاص و بالنسبة للشرطة فمن زمان معروف لو إتصلتي بمكدونالدز هيوصل أسرع منهم . بس ده مش جديد على مجتمع أصبح فيه قلة الأدب شيء مميز و فعلا أنا أسف على إنتهاء عصر الشهامة و الرجولة ربنا يكون في عونك

Unknown said...

انتي قولتيلي بتمشي من أنهي شارع؟
loll bravo 3aleky momken belly fe reglek kman btw low mafesh 7aga m3aky

Khaled said...

Shei2 mo2sef fe3lan, ana fe3lan 2asef 3ala el et7asabo 3aleina reggala, bas elzaher en fi nas mafish fayda fihom w lazem ye7sal mosiba 3ashan yetlammo. I am thinking of several suggestions essara7a, why don't you carry a pepper spray badal el 3azab wel ze3ee2 da! el shayef nafso rosheeh f wesho 3ashan yet3allem el adab kam sa3a aw kam yoom. lel asaf mesh 2ader afakkar f suggestions tanya gheir enek t3azzeli, bas da mesh option sahl fel balad di khales :(

ana bardo said...

ya benty ana bab2a wa2fa ma3 mamty el 7aga el fadela el kommal zat el 60 rabi3an w by2afo bardo!!!!!! bgd mal3oon abohom 3al gazma regala 7'arfana!! allah y7'rbethom!!!!!!

Unknown said...

جراكوللو

شرطة ايه بقى الحمد لله اوى على كده

الشرطة دلوقتى مشكلة اكبر مش مصدر حماية

Unknown said...

جييييييييى

شارع النصر فى المعادى

ههههههههههههههههههه ممكن برضه اللى فى رجلى, فكرة وجيهة اوى

Unknown said...

خالد

دول اصلا مش رجالة و عمرى ما حسبتهم كده

بالنسبة للسبراى هو كويس لو فى الشارع و واحد بيعاكس و كده

انما بتوع العربيات دول مالهمش حل غير بالبرتقان و الطماطم و فى عينهم
يا سلام لو الاقى بيض و افقشه ع الازاز
يا سلااااااااااااام

Unknown said...

الله يخرب بيوتهم الف مرة يا بنتى
عالم خرفانة فعلا زى مانتى قلتى

Khaled said...

heya fekreit el beid mesh we7sha =) fi pack of 4-eggs betetba3 f metro =D I think it'll fit in average sized bag, w hat-supportek up to 4 mo3aksat =D!
ana 3ammal affakkar f 7agat sheira el sra7a :D! masalan you can smile back, he'll stop, approach the car, and from the passenger window throw the egg in his face instead of 3al ezaz, aw 3aseer aw.. aw.. aw.. w yeb2a yerga3 el beit yshof hay2olohom 7asallo eh ba2a :D he3he3he3

Unknown said...

هههههههههههههههههههههههههههههههههههه

خالد انا هلكت من الضحك. لأ مش بس فكرة, ده فى تخطيط كمان, اللى هو الموضوع مش سهل خالص
ههههههههههههههههههه

لأ و اهندس بقى الموضوع لحد ما اضبط الزاوية ان البيض ييجى عليه

هاموت من الضحك

بس ده معناه انك اتغاظت زيى. الموضوع يغيظ فعلا

احمد خليل said...

والله جدعة ..مش ممكن العالم دى تتعلم الادب الا لما تلاقى اللى اقوى منهاويخوفها ..اما البنات يكتسبوا الشجاعة ويبقوا يخوفوا...وومش ممكن يخوفوا الا لما يخربشوا ، لان فية ناس تخاف ما تختشيش.

Unknown said...

استاذ احمد

اهلا بحضرتك و شكرا لتشجيعك.
كل ده من غضبى والله
هم بيوصلوا الواحد لكده
انا كنت زمان بخاف منهم, و كنت باقول هم ليه شايفين انى كده
بس فهمت دلوقتى انهم على رأى ياسين مرضانين

Khaled said...

estanni, da lessa fi ba2i :)!
tab3an you have at least three targets when you approach the car, if you happen to have eggs, then you may target:
1) Him! (has to be his face or hand for the egg to break and cause the required mess)
2) the dashboard (that will really piss him off)
3) the front glass, from the inside of the car ;)

If it's juice, you still have all the above options + the passenger seat, you can just pour it there.

nigi lel mohem ba2a, tab3an howa 7ayetnarfez w fi e7temal yenzel mn el 3arabeya, you stay still, don't move, smile is still on and as cool as ice, your hand in your bag, and just in the right moment, take out the spray, and right in his face, BAM!

mesh mas2alet gheiz, el mas2ala mas2alet mabda2. Saba7 el kheir ya3ni, la Deen wala akhla2! mesh keda ya3ni!

mido said...

ايه هى لغة الاشارة المعروفة عالميا؟
:D

AyA said...

انا مش ضد الفكرة بس عايزة اطرح نقطة فرعية منها للنقاش.. يمكن تكون نابعة من طبيعتي الموسوسة مش اكتر :-)... السؤال.. ماذا لو لف وهاجمك؟ لو لف بالعربية ورجع أو لو نزل على رجليه.. لوحاول يضرب او يدهس او شئ من هذا القبيل... ايه اللي هيحصل ساعتها؟ .. أنا مش بأقول ما تعمليش كده -انا واثقة انك مش هتفهميني غلط - بوضوح اكتر أنا بأفكر بصوت عالي عن الحلول ساعتها وخصوصا اني -مع بعض الاحترام للشارع المصري- مش واثقة في ان الناس اللي ماشية في الشارع هتقف تدافع عن واحدة ما تعرفهاش... انا مرة شتمت واحد ومرة تانية استخدمت لغة الاشارة بس كان قلبي بيترعش من الخوف لا يرجع يضربني!...

بيني وبينك... في حال اذا ماكنتيش لاحظتي فعلا... أنا مابقيتش قادرة اشوف حاجات حلوة كتير في مصر... مش لدرجة اني اتمنى ارجعلها لو سافرت اي بلد مثلا!.. ماعدا الصومال طبعا او بابو غينيا الجديدة!

Unknown said...

Khaled

ولا دين فعلا ولا اخلاق و لا كرامة
ده لو مناظرهم. بجد تقرف
و اللى يقعد يتحايل, و اللى يفضل يسوق بالراحة و انا ماشية و يقول كلام يقرف
الاول كنت اللى باعمله انى باعدى الشارع و امشى الناحية التانية
دلوقتى مخطط البيض و السبراى ده شكله حل جامد جدا

Unknown said...

ميدو
ايوة هو اللى فهمته صح :D

Unknown said...

بصى يا اية
سؤالك مهم

اللى انتى بتقولى عليه انى اخاف من انه يطلع من العربية و يتخانق و الناس ولا الهوا ده فى الشوارع الهادية اوى
و فى الظروف دى الحل ده مناسب لو لقيتى تاكسى تنطى فيه

انما اللى انا باتكلم عليه بتبقى شوارع مليانة و الناس حوالية و شايفة
هم مش هايعملوا حاجة للراجل من نفسهم دى انا عارفاها
لكن لو شخطتى فيه و حدفتيه بحاجة و جه جنبك
اللى عليكى تصرخى
الحقونى يا ناااااااااااس
و يا سلام بقى لو كان فى ستات فى الشارع, هم اللى هايقوموا بالواجب
و عامة ادينى وقت كده و ان ااكيد هاكتب لكم نتيجة التجربة بالكامل :D

Wild at Heart said...

هههههه تصدقي نفسي من زمان أعمل الإشارة الدولية دي؟ عشان أشوف رد الفعل بس :)

نيرو said...

يا طولة بالك
كنتى بتزغرى
وتطور لاشارات
ثم الى تهديد
ماله لو بدأتى باللى فى رجلك
ليتطور الامر الى دماء؟
مش بيتلموا غير بالمطواة!
تحياتى
نيرو

hassan alkut said...

والله انا متعاطف معاكي يا استاذه ايمان ... من حظي العاثر اني استنيت لبعض الوقت قدام حديقة الطفل في مكرم عبيد إنتظارا لزميل لي وشوفت المناظر دي وحسيت فعلا بمدي القذارة في هؤلاء الرجال...يعني قصده..أنا باحمد ربنا ان انا من الصعيد واني اقدر اسمح لأختي تخرج بحرية مع ثقتي الشديدة بأمان الشارع الذي ستمشي فيه(ونظافته أيضا)

Unknown said...

ههههههههههههههههههههههه يا نيرو
مسخرة والله العظيم من يومك

Unknown said...

Wild at Heart

لا رد الفعل جامد جدا
:D

Unknown said...

شفت يا استاذ حسن
شفت اللى بيحصل لنا هنا؟