Sunday, April 17, 2011

و انتصر تحالف قوى الشعب


 
انتصرنااااااااااا

الحمد لله, مدونة ثورة البنفسج نالت لقب افضل مدونة عربية لهذا العام فى مسابقة البوبس العالمية بالتصويت.


هو مهما حاولت اشكر الجميع مش هدى حد حقه. معروف طبعا انها جائزة القراء و حصلت عليها باصواتكم.  

خاصة انها كانت اصعب هذا العام بالسماح لكل واحد ان يصوت مرة كل 24 ساعة. و حتى لو البوبس مش شايفة ان ده شىء يستحق التكريم و التقدير, فمش مشكلة, اصواتكم هى التقدير اللى اتمناه و فرحانة بيه.

و شكر خاص لكل المنافسين, و كانت فرصة سعيدة انى اعرف فؤاد و طباشير و حبر و مامفاكينش. و شرف ليا انى اتنافس مع الصحفى و المدون اسعد ذبيان. و تحياتى الخاصة جدا لوائل خليل و الصديق مصطفى البقالى.
و شكرا اسماء الغول لايام المنافسة اللذيذة   

شكرا لكل اللى استحملوا الحملة الانتخابية بتاعتى هههههههههههههه

و احب انوه ان هذا النصر المبين كان نتاج تحالف قوى الشعب المختلفة. على فكرة والله احنا لو حطينا مرشح فى دماغنا حيكتسح – و اللى باقول لهم الكلام ده هم عارفين نفسهم ههههههههههه – بس احنا نلاقى اللى يستحق.

اشكر شباب تويتر شكر خاااااص, لانهم استحملوا زن السنين فعلا

و شكرا لشباب الفيسبوك اللى كنت بطاردهم فى الشات الصغير و فى الرسايل ههههههههههههه

شكرا لمنسقى الحملة مينو و ميكا --- انتوا بنات جامدة
و مسئولى غرفة المراقبة و الاحصاء كومى و فوزان
شكرا احمد رجب من اسوان و ماهينور من اسكندرية وبترا من مالطة و خالد سلامة و جوليا من امريكا و كيم من دول الشرق الاقصى و نادية من المانيا و غيرهم.


بالنسبة للاحتفال, شباب اسكندرية عرفوا خلاص و حددوا هانعمل ايه, مطلوب من شباب القاهرة انهم يعملوا كده.


6 comments:

خمسة فضفضة said...

مبروووووووووووك

Mecha ... -ana sadektek el latchyfa- said...

صوت الجماهير صوت الجماهير صوت الجماهييييير :] سكت الكلام و كليكات الماوس تكتكت ... اشكرك على الاهداء كان شرف لي اني اشارك في ادارة حملة التصويت. كالعادة كنت ملهمتي و فجرتي فيا طاقة جديدة, و كان تدريب كويس علشان المشاركة في الانخابات اللي بجد و كدة :]:]
الف مبروووووووك يا موون استحقتيها عن جدارة

اغانى الشتاء said...

هتستلمى الجائزة امتى ؟؟؟؟؟؟؟ :)))))))))

Eman Hashim said...

الله يبارك فيكى يا فضفضة يا قمر
بركة فوتاتك
ههههههههههههههههههه

مفيش جايزة يا اغانى الشتا
البوبس مش حيكرموا اصحاب جوايز القراء
حيكرموا لجنة التحكيم بس

Eman Hashim said...

ميكااااااااااا
انتى حبيبة قلبى والله
فعلا مش عارفة اشكرك ازاى بجد
ربنا يخليكى ليا

نظافة مثالية said...

تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

شركة تنظيف منازل بالخبر
شركة تنظيف بالخبر