Sunday, May 1, 2011

يوم من احلى ايام حياتى



امبارح خرجت مع صحابى عشان اعرف انهم عاملين لى حفلة عشان جايزة البوبس للمدونات اللى الحمد لله اخدتها. و توالت المفاجئات طول اليوم.
من اول آسر مطر اللى جه اسكندرية, و تارت التفاح مع ايس كريم الفايليا و توبينج الكراميل الوهمية, و صحبة احلى ناس و اجمل صحاب.
و بعدين لقيت حبيبة قلبى نهى عطا عاملة لى احلى مفاجأة
هى ماتتقالش, تتشاف:


 دى صورة التارت بالعند فى دايم هههههههههههههههههه


 ده و انا بافتحها و ليسة مش عارفة فيها ايه


و ده و انا باعيط اول ما شوفتها
طلعت ايه؟؟


نهى عملت لى جايزة فعلا بالازاز ... تخليوا؟


و فى ستين الف داهية البوبس اللى مش حيكرموا جوايز القراء. انا عايزة ايه اكتر من كده؟
ربنا يخليكى ليا يا نهى, مش عارفة اشكرك ازاى
و شكرا لكل حبايبى اللى جم, و شكرا لكل اللى صوتوا لى واحد واحد, و كل اللى بذلوا معايا مجهود كل يوم, و شكرا للمدونة و للمسابقة اللى وريتنى – فى لحظة كنت فعلا محتاجة اشوف ده – ان ربنا انعم عليا بنعمة احلى صحاب فى الدنيا

انا بجد فرحانة
الحمد لله

6 comments:

Shahd Essam said...

الف مبروك .. عقبال الجايزة الجاية =D

Eman Hashim said...

الله يبارك فيكى يا شهد
يا رب يا ستى :)

Anobius said...

you deserve it ya Eman :)...congratulations 3al gayza wel so7ba :)

Eman Hashim said...

Thanks a lot ya Anno
waiting to see you ba2a to be even happier :)

Mecha said...

يا ايمان و الله انتي بتكسفيني قوي.. انا بحبك من قلبي و بس حاولت اعمل حاجة تسعدك.جات مع الهبل دوبل و أصابت :]]]]] لول
و يا رب دايما موفقة و حاجات حلوة بقى و بون بوني و كدة :)))

Eman Hashim said...

انا فعلا خلاص بقيت مش عارفة اقول لك ايه يا نهى

فعلا خلصت فى حبك كل الكلام

ربنا يخليكى ليا يا حبيبتى