Saturday, July 16, 2011

ايمان تريد اسقاط النظام


فى منكم اللى عارف ان شغلى بخ, بس كتير مش عارف ليه.

اصلاو من زماناحترامى لشغلى كان بيمنعنى  انى اتكلم عنه لا فى مدونة ولا فى غيره. فكتير اوى مايعرفوش انا باعمل ايه بالضبط. مايعرفوش انى زيى زى ناس كتير فى البلد دى, اتبهدلت من و انا طالبة من شغلانة للتانية بقالى اهه بتاع 5 سنين و اكتر, لحد ما بعد ايه وصلت آخر السنة اللى فاتت انى عرفت مكانى مفروض يكون فين.
الحدوتة بقى, انى كنت فى مكان خاص, معنى بخدمة الاطفال, و لانه مكان تكلفته عالية, فالمكان مطلوب فيه مجهود كبير فى الادارة و التسويق و كده.
بيدار المكان ده بنظام "اربط الحمار مطرح ما يقول لك صاحبه" اه والله

ازاى؟

اول شىء مهم: تأليه المدير او رئيس القسم
تانى شىء: تقديس العميل اللى بيدفع فلوس
تالت شى:لحس جزم الزمايل عشان لحسن يفهموا انى حاجى على اكل عيشهم
و كل ده عادى. بيحصل يعنى.
المشكلة فين بقى؟ فى لما ييجى اللوم عليا انى "فرى سبيريت" او "راسى مرفوعة"
باحترم مديرتى؟ طبعا. باحترم رئيسة القسم؟ اكيدو لازم مش بمزاجى. بس مش بقدس حد! و دى المشكلة!!!
المشكلة فى الزميل اللى "ينفسن" اما يشوف حد رافض يطاطى, و بيطالب بحقه, و بيعبر عن نفسه, و كمان ممكن فى احتمال حقه يجى له. و هو اللى بقاله سنين راسه محنية اما خلاص بقى ده شكلها. يعنى حتى لو محدش حيلومه, هو مايعرفش يرفع راسه.

و طبعا المحاولات كتيرة فى "تنتيف ريشى" من تقليل راتب او زيادة الاعمال و المهام بنفس الراتب او توقيف ترقية بناء على "كونفليكت اوف كاريكتير" اللى هو من الآخر انتى مش عاجباهم عشان مش لاحسة جزمهم فمعلهش بقى هندوس عليكى و نوقف ترقيتك دى و نخليكى بنفس المرتب و نزود عليكى شغل تانىو معلهش بقى!!

المصيبة فى ان  اى حد غيرى كان غالبا حيقبل!!

و ده اللى مخليهم متخيلين ان ده اسلوب ممكن يستمر. و بقاءهم جميعا ك "نظام" يتطلب و يستلزم انى اكون براه. لانى لو اعترضت و طالبت ب "التغيير" هم مش حيستمروا اصلا.

اللى فاضلة فى شغلتها عشان بتسبح ليل و نهار برئيسة القسمطبعا لازم تنفسن و تكره وجودى اساسا!
اللى حاول و طاطى عشان يمكن ماعرفش امتى يبقى يعرف يعلى, و لقى ان الراس اللى بتوطى مابتعلاش, لازم حيقاوم وجودى تماما.
اللى ادارته مبنية على هو كده و ان كان عاجب و انا "ناوى" ان شاء الله اعوضها لك بعدين, طبعا لازم يرفضنى اما يلاقينى بارفض انى اتنازل عن "حقى" .... "حقى" .... "حقى" !!!

هى الكلمة دى --- هو انا كمان حيبقى لى "حق"؟؟ خبر اسود!!
و حاطالب بيه كمان؟؟ و يا اما آخده يا اما مش عارف ايه؟؟ صلاة النبى. ما داهية لاكون فاكرانى بنى آدمة بقى.

لالالالالاالكلام ده ما ينفعش, انا اللى زيى لازم "يخرس" و كفاية بقى. مش كفاية ان القسم اللى انا فيه متأثر؟ مش كفاية ان "الحال واقفمش كفاية ان "الشغل مش ماشى

حق ايه اللى انا بادور عليه ده ان شاء الله!!


حاليا انا فى البيت, و مفيش شغل, و الاطفال واحشنى جدا, و ماعييش فلوس, و مش عارفة انزل الميدان, و متنيلة على عينى --- بس مش متضايقة انى عملت كده, لانه تمن بادفعه لمطالبتى بحقى, و تمن انا سعيدة انى بادفعه.


هو التغيير حييجى ببلاش؟
هو الاختيار من غير تمن؟

انا بطالب بالتغيير --- و مش حاسكت

7 comments:

Anonymous said...

بجد بجد ...جدعة!

Mohannad Faried said...

بجد بجد مؤدبه

Eman Hashim said...

شكرا :)

Eman Hashim said...

ههههههههههههههههه
خلاص بقى يا مهند
انت عارف اللى فيها

Anonymous said...

بنت ادم

Eman Hashim said...

:)
thanks

Nadin said...

ahhhhhhhh ya albeeeeeeeeeee...


I did like you, but my luck was better ...the department was convinced to join my revolutionary direction w kolo alab...


bas when it comes to money...people can speak..laken el mo3amlaa w 2ellet el adab..3adeee...talama in public..SO WHAT?

My first comment on my job was: NOW I KNOW WHY EGYPT *****!!

Its the new form of ElJahileyya

Proud you are following your heart :)