Sunday, June 24, 2012

والعمل؟


الحكاية وببساطة ان فى ناس ماعندهاش اى مانع حقيقى انهم يرشحوا جزمة قديمة بس مايبقاش رئيس مصر من الإخوان مش عشان اى حاجة عن سياساتهم ﻻنهم مايعرفوش حاجة عن سياساتهم، ولكن لرفضهم القاطع له ﻻنهم شايفينه تهديد لحياتهم وسلامهم و قدرتهم على انهم يعيشوا حياتهم زى ما هى. وفى ناس ماعندهاش لحظة شك فى انها تدعم شبشب بصباع وﻻ انها تتعامل مع فكرة ان شفيق يكون رئيس مصر ﻻنه بالنسبة لهم مش بس هزيمة شخصية لهم وتهديد لهم ولشخصهم ولأمانهم وامان عيالهم وفرصتهم فى ان يكون عندهم شبه حياة .... انا بقى وناس زيى معضلتهم ان الجوز مش رؤساء، الجوز غلط ... تايهين وحاسين بالغربة فى بلدنا وبقينا بنتابع اخبار الانتخابات وﻻ كأنها انتخابات الجابون من كتر ما خلاص الأطراف كلهم بقوا مش احنا ... وعمالة اتفرج على دول ودول و مش عارفة اعمل ايه... با ناس والله العظيم ﻻ مرسى خيار ثورى ﻻن مرسى من اوائل من باعوا الثورة، وﻻ شفيق هيبقى على مدنية الدولة ﻻنه اولا الدولة عمرها ماكانت مدنية ولإنه اصلا من مصلحته ان الدولة ماتكونش مدنية

2 comments:

كريمة سندي said...

والله اختلف معك ممكن نعطي الإخوان فرصة ونشوف راح يعملوا إيه ممكن يقدموا صورة حسنة عن أفعالهم وتغيير النظرة لهم

keblawy said...

السلام عليكم

هو مهما كان معتقدش ابدا انه ينفع او يجوز اننا نحط الاتنين فى كفه واحده

فيه واحد منهم بيشتغل لمصلحته وباع الثوره و ..و ..


بس التانى قتل وسرق وظلم و أفقر وجهل و أمرض .. شفيق مش شخص .. شفيق مجرد صفحة الغلاف للنظام اللى بيحكمنا


مهما كان مينفعش ابدا الاتنين يبقى مبينهم مقارنه م الاساس