Thursday, September 12, 2013

دليل المواطن المصرى للوطنية الزائفة

"صورة مبارك - اللى يحب مصر مايضعش مصر - الشعب يريد اخلاء الميدان - بطل الحرب والسلام - ماقال مش هيرشح نفسه بعد 6 شهور - صورة شفيق - المطار - الفريق - مصر هتضيع - امن الدولة مهم - الدقون هم اللى بيتظاهروا عند امن الدولة مدينة نصر - كفاية بقى قرفتونا - هنقول نعم عشان الاستقرار - عايزين البلد تمشى الحال واقف - انا عايز حاجة تحل دلوقتى - الاخوان اكتر ناس منظمين فى البلد - اعتصامات تانى؟ انتوا مابتزهقوش؟ - فى عز الحر ده؟ امال كنتوا عايزينهم يسيبوكم فى رمضان معتصمين؟ - وايه يعنى دخلوا الجامع بالجزمة؟ - صورة طنطاوى - المسيحيين كانوا رايحين معاهم سلاح - اللى انقتلوا كلهم كانوا معاهم سلاح هو الجيش هيمشى يموت فى الناس كده؟ - مفيش جثث اترمت فى النيل ولا حاجة - هم كمان المسيحيين هيشوفوا نفسهم علينا؟ - احنا دولة اسلامية - ايه مشكلتكم بس فى الانتخابات؟ ما المجلس العسكرى قال هيخليها دولة مدنية - تعتصموا ليه انا مش فاهم؟ - العيال اللى فى محمد محمود دول ولاد كلب شمامين وبلطجية وشايفين نفسهم - التحرش ده من شوية عيال مدسوسة على الميدان لبنات الله اعلم بيهم مش ظاهرة يعنى - كل اللى فى محمد محمود اولتراس وعيال فاقدة - اصلهم ولعوا فى كم دول من وزارة الداخلية - اللى يهجم على وزارة الداخلية يستاهل بقى اللى يجرى له - اهم حاجة دلوقتى الانتخابات عشان بس نطلع من الأزمة دى - ما طنطاوى قال لكم نعمل استفتاء - الجيش بنى سور كتر يره والله الجيش اللى بيحل لنا كل مشاكلنا ده - الاخوان منظمين واحنا محتاجينهم دلوقتى - الكتلة على الاقل ناس عندها خبرة - هرم ايه وشباب الثورة ايه انا ايش عرفنى دول مين - شباب الثورة دول عيال شمامة كلة ولا بتفهم فى حاجة - البرلمان جه اخوان وسلفيين وكتلة بسبب شباب الثورة - مجلس وزراء ايه اللى تعتصموا عنده وليه؟ المعتصمين هناك دول شباب الاولتراس شوية عيال اى كلام بياخدوا فلوس من اى حد - كباسين - عباية على اللحم - فى دكتورة يبقى شعرها اصفر كيرلى؟ - هو ابن ايمن نور كمان بقى مناضل؟ - يعنى هى الحكومة مش قادرة تولع فى شوية العيال دى وتريح البلد؟ - مش عارفين نشتغل - وفى الظروف دى العيال فايقة تروح ماشتات؟ - داخلية ايه اللى هتتآمر على العيال دى؟ - ده هم مجرمين ورد سجون اصلا وكلنا عارفين ده - صورة علم مصر - بلا كورة بلا قرف بقى البلد بنتنهار - ايه اللى يوديهم عند محمد محمود تانى افهم؟ - يعنى هتتظاهروا قدام الداخلية وبعدين؟ - لايمكن الداخلية تضرب مواطن - اكيد استفزهم - نفسية الداخلية  - صورة عمر سليمان - مهرجان توكيلات عمر سليمان - لا اصله داهية نازل بس عشان خيرت الشاطر - صورة شفيق - مصر مدنية مع الفريق - المطار احسن رابع مطار فى العالم - بيعرف لغات - ابيض وبيلبس حلو - مصر عايزة راجل عشكرى عشان يضمن لها انها تكون مدنية - الجيش مش هينزل ينقلب على مرسى بقى؟ صورة علم مصر - صورة سامية جمال بترقص - الجيش مش هينزل ينقلب بقى؟ - الكهربة اللى بتقطع من 2010 مؤامرة من مرسى اللى بيديها لغزة - غزة واخدة كهربة وغاز مصر - 6 ابريل اخوان - الاشتراكيين الثوريين ملحدين شيوعيين - الليبراليين العلمانيين المدنيين عيال سفلة ليل ونهار بيرة وجنس وقرف - كل سكان محافظة بورسعيد قتالين قتلة وبلطجية - مفروض يحترموا احكام القضاء - ياريت الجيش يروح يدك بورسعيد دى وتخصنا بقى - الاهلاوية ولاد ستين كلب ومضبطن مع الحكومة - ماهى حكومة هبلة اللى تسيت عيال تمشى كلامها - ده حكم انتصار فعلى - ده حكم اهبل وضحك على الاولتراس عشان يهمدوا - هو الجيش هيفضل سايب الاخوان لحد امتى؟ - اللى راحوا المقطم دول عيال ضايعة - فى بنت تروح مظاهرات وكلام من ده؟ - تستاهل تنضرب بالقلم ماتربدش اللى تنزل الشارع - ياه عليها بطلة واقفة قدام الاخوان - مافيهاش حاجة نموت الاخوان ونهجم على مقراتهم ما احنا هنعمل ايه نسيبهم يعنى؟ لازم نتظاهر ضدهم - مش فاهمة انا ايه لازمة التواجد قدام قسم يعنى وبعدين ترجع تزعل - اعظم دستور لأعظم شعب - المعتصمين عند الاتحادية كانوا مقضينها فى الخيم - اخويا عدى جنب خيمة شاف فيها إزازة خمرة - هو الجيش مش هينقلب بقى؟ - الاخوان كانوا لازم يحموا مبنى الاتحادية وكمان بيقولوا رأيهم انهم موافقين على رئيس - طب ناس نازلة معترضة ليه ناس تنزل تأيد قدامهم؟ هو ماتش كورة؟ - هو الجيش هينقب امتى؟ - صورة عمر سليمان - الله يرحمك يا جنرال - الاخوان نازلين التحرير واحنا لازم ننزل قدامهم عشان نعترض مش معقول نسيب لهم التحرير - تمرد دول شفيق - اطفال شفيق بيشتموا تمرد عشان مش عايزين تهانى الجبالى وشفيق - مهرجان تأييد ثورة سوريا - ربنا هينصرنا على الكفرة فى 30 يونيو - مفيش اى هتافات غير الشتيمة فى مرسى والاخوان - الجيش فوق الكل - الداخلية اتغيرت - الجيش ماقلبش - ثورة مش انقلاب - صورة السيسى - الجيش ضحك على مرسى وخلوه يعين السيسى وزير دفاع - انقلاب مش ثورة - الشرعية - النهضة - رابعة - رمضان - التفويض - تسلم الأيادى - شوية العيال اللى مش بيهللوا للسيسى دى خونة وجواسيس ولازم يتلموا بقى ضيعوا البلد - هوجة 25 يناير - 30 يونيو ثورة مجيدة - صورة السيسى وعلم مصر - امريكا زفت عشان بتدعم الاخوان بس - تركيا قرف عشان بتدعم الاخوان - تركيا حلوة عشان بتساعد بشار اللى بيضرب الاخوان - السوريين والفلسطينيين لأة - السعودية بطلة دى بتساعد مصر ضد الاخوان - الوهابية هى سبب كل البلاوى اللى احنا فيها دى - قطر بنت ستين كلب بتساعد الاخوان - مؤامرة على مصر السنية - البابا يضمن هوية مصر الاسلامية فى دستور هيخلى مصر مدنية - لجنة الخمسين ......


دليل المواطن

No comments: