Monday, July 12, 2010

ابوس ايديكى ياللى ناوية تخلفى ... حبى بنتك

-لو مش ناوية او مش قادرة او مش عارفة, يبقى بلاش. حرام عليكى تجيبى للدنيا بنى أدمة تعيش عمرها بغلطتك.
-لو مش ناوية تصاحبيها و تخليها متأكدة إنها ممكن تترمى في حضنك مهما حصل, بلاش.
-لو مش ناوية تربيها عندها ثقة في نفسها بدل ما تمشى في الدنيا تدور على نظرة رضا, بلاش
-لو مش ناوية تحبيها و تأكدي لها ده بدل ما تعيش عمرها أسيرة اى محاولة إنها تتحب, بلاش
-لو مش ناوية توفري لها الأمان الداخلي و الاطمئنان... بجد, بجد بلاش.
-لو ناوية تكبريها على إنها وحشة و لا تخينة ولا غبية عشان تتشاط بين الرجلين بعد كده, يبقى بلاش.

الخوف,و انعدام الأمان و الثقة في النفس و الناس و الدنيا مش بيروحوا مع الوقت, بيكبروا و بياخدوا أشكال مختلفة. و كل ما هتكبر, كل ماهيكبروا معاها! كل اللى هتعمله انها:
يا إما هتستسلم لهم... و تبقى انتى جيبتى للدنيا كائن مهزوم مهموم حزين ميت!
يا اما هتغضب لحد ما الغضب يبقى منفذها و ملاذها, و برضه هتعيش كائن ميت, كائن المرارة كلت روحه!


البنت روح بترفرف على جسد. يوم ما بيتأذى الجسد, الروح بتقع بتنهزم.
و مرة على مرة, بتعيش كارهة نفسها لانها قبلته حتى لو مش قادرة ترفضه, و كارهة اللى عمل فيها كده, و كارهاكى انتى عشان سيبتيها يحصل لها كده, و كارهة كل لحظة الم حسيتها بسبب ان انتى كنتى انانية و جيبتيها و انتى مش مستعدة ليها عشان تفرحى بانك خلفتى. خلفتى واحدة كرهت كل حاجة حتى نفسها!

لو الأم مش هاتكون الحب الغير مشروط, و الحنان و الحضن, تبقى أم مالهاش لازمة.
و لو مش متأكدة انك تقدرى تعملى كده و توفرى ده, ارحميها ... و بلاش تجيبيها!

25 comments:

mohamed said...

كلامك مؤلم
لكنه حقيقي 100%
بيرتكتبوا أكبر الجرائم
فكرتيني بمقال أمل دا
http://www.rosaonline.net/Sabah/News.asp?id=49842

iHibo said...

حسنا العنوان مثير للغاية
الموضوع لو انكتب له ان يكتب بالغربية لكان افضل
^^
سلام

Unknown said...

محمد:

انا مش قادرة استحمل هلاص, حاسة انى مخنوقة فعلا

Unknown said...

H!bo

مش فاهمة قصدك
يكتب بالايه؟

Unknown said...

emmy,
i agree w/you,i was one of those girls once until i found my strenghts "my own way"...my mom could save me a lot of troubles and sadness...i was lucky,many other girls may not be, i like ur writing style...keep the hard work &good luck.

Unknown said...

Thanks a lot Ami :)

one way or another, we're all this girl.
I hope each one of us can help in any way

Dalia w Ahmed said...

طيب أحب اضيف

أبوس ايديكي ياللي ناوية تخلفى ولد تربيه عدل...

بلاش تربي عنده العقد اللي بنشوفها عند الرجالة

بلاش تقولي لاخته قومي حضري لاخوكي العشا ولا هاتيله كوباية ميه وهو قاعد مأنتخ كأن على أيده نقش الحنة وأخته دي الخدامة اللي انتي جيبتيهاله

بلاش تحسسيه أنه وحيد عصره وفريد أوانه وان البنت اللي تستاهله لسة ماتخلقتش

علميه أن الست دي بني آدم زيه ليها حقوق وعليها واجبات مش موجوده في الدنيا بس عشان راحة جنابه

لما اللي يجيبوا ولاد يربوهم كدة واللي يجيبوا بنات يربوهم زي مانتي قلتي يا أيمان هانشوف ناس تانية غير اللي الاشكال اللي احنا شايفينها دي

Kontiki said...

dear that is good , very good like our old heart to heart talk , i just felt it and wait to another message to fathers , the one i wish am bale to write one day , but yet words never come .
hint: my friend , the other 2 members in our old gang are really in crisis now , all am ask u is to pray , 4 z sake of old good times only.

Unknown said...

Kontiki, send me ur email please

emanhashim@hotmail.com

Ahmed AbdelHamid said...

وهو في أم غير كدة؟!!

Unknown said...

Dalia we Ahmed
البوست اللى جاى يا حلوة
لا تقلقى

Unknown said...

Kontiki

يا بنتى ضرورى ابعتيلى ايميلك
عايزاكى ضرورى جدا

Unknown said...

احمد عبد الحميد:

فى كتير ... امال البنات اللى انت شايفها حواليك دول عاملين كده ليه؟

someone said...

جميل خالص ..
بس لو النصايح فى العموم كان يبقى أفضل ..
يالى عايز تخلف زى بقيت الناس .. إلغى
يالى عايزين تخلفو عيال تطلعو عليهم عقدكم .. إلغى
يالى عيزين تخلفو عيال عشان تمرمطوهم معاكو وفى الأخر تزلوهم إنكو خلفتوهم .. إلغى
يالى مبتعرفوش يعنى إيه حنان وتربيه .. إلغى
يا ناس يالى عيشين زى البهايم .. بلاش تجيبو إحتماليه بهايم تانيه
إتطلقو برحتكو .. بس مش على حسابنا
يا اب ويا ام يالى عيشين بسياسه ماما المطبخ وبابا الجيب إلغووووو
:(
وبس
شكراً ليكى

Unknown said...

شكرا ليك يا عبد الحليم
بس انا لو اتكلمت فى المجمل كده يبقى انا بطالب باقصاء الجنس البشرى خالص
ههههههههههههههههههههههههه

Noha Saleh said...

معاكى حق فى كل كلمة قولتيها
فعلا فى نماذج كتير الواحد بيشوفها وبيستغرب منها
لما تكون ام مش عارفة يعنى ايه تربية ومش عارفة تاخد ولادها فى حضنها ولا عارفة تعلمهم الصح من الغط والاب مجرد بنك او حصالة علشان المصاريف بجد شىء مؤسف

Unknown said...

Noha Saleh:

الانانية المفرطة بتخللى ناس مش مستعدة اطلاقا تخلف
ربنا يحمينا جميعا يا رب

آخر أيام الخريف said...

الله عليكى ..بجد هو ده الكلام

رامي said...

هو حضرتك مصرية أو حتي عربية؟ أصلي أشك في كده P:
طبعاً المقال مش رائع ولا حاجة، ده أكثر من رائع.

Unknown said...

آخر ايام الخري ... شكرا

Unknown said...

رامى. ايوة طبعا مصرية و عربية
بتسأل ليه؟؟

Raj said...

Well Said. I agree with your post. If a parent cannot support his daughter in the manner you describe, then there is no love.. and without love there is no point to having children except mere selfishness.

Anonymous said...

يا اييييمو....مش لما نحب بعض اصلا...أو حتى نفسنا...ياختى بلا وكسة!0

nayera said...

ياختى بلاوكسة!...مش لما نحب نفسنا الاول!0

Unknown said...

طبعا نحب نفسنا

مانحبش نفسنا ليه ياختى؟؟