Monday, March 14, 2011

مخى هايولع


مش عارفة اروح فين من الفكرة دى. زياد انضرب برصاصة عند عمر مكرم  و كنت باجرى ى شارع القصر العينى من الرصاص. الرصاص جه فى ناس قدامى و مشيت على الدم و واحد منهم كان زياد.

زياد مات و انا عشت عشان ربنا عايز كده و الحمد لله طبعا و الهم لا اعتراض. بس مش قادرة اتخلص من شعور الذنب انى عايشة و شايفة اللى بيحصل.

هو زياد و اللى زيه ماتوا ليه؟ مش عشان كنا بنقول "الشعب يريد اسقاط النظام"؟؟ يعنى ايه "النظام" دى؟ هو الموضوع كان مبارك يعنى و اصحابه؟

مخى مهنج. بس متأكدة الحمد لله ان فى كتير عارفين ان ليسة الثورة مانتهتش و ان زياد و طارق و سالى و اللى زيهم كلهم ماتوا عشان هدف هايكملوه ان شاء الله. هو الكلام يبدو عاطفى طبعا بس اصل مش كده يعنى. الناس دى ماتت عشان مستقبل بلد و عشان عيالهم يعيشوا فى بلد انضف.


مش عارفة, حاسة ان كلامى مش راكب


هكمل بعدين


No comments: