Thursday, March 31, 2011

كوتة المرأة ... باااااطل

سيبنا من العمال و الفلاحين. يمكن فى حاجة انا مش فاهماها فى الموضوع ده, او اكيد
المهم

موضوع كوتة المرأة ده حقيقى بيحرق دمى. باحسه بجد زى ما يكون تسليم من كل الاطراف بعدم احقية و كفاءة المرأة لان تكون عضو فى البرلمان.

ما تنزل الانتخابات زيها زى اى حد و تتعامل مع الناس و ماتنجحش و تحاول مع دايرتها انها تقنهم بيها و تنزل تانى و تالت. ما ده اللى بيعمله رجالة كتير.

مش هانكر ان الجو العام فيه من كتير المعوقات اللى ضد وصول المرأة بانتخابات حرة نزيهة الى الرلمان, لكن ده مش معناه انها تجرى فى السباق لوحدها.

كل طلبى كست فى مصر دايما انى اتعامل كبنى آدم. و كوتة المرأة ترسيخ للتمييز و تعطيل كبير لتحقيق هدف المواطنة.

ازاى انا ابقى حاسة و مقتنعة و عايشة و بطالب انى ابقى زيى زيه و بعدين اقبل انى انزل فى الانتخابات لوحدى خوفا من انه اكيد اميد حيكسبنى؟ فين المنطق؟

الكوتة تتنافى مع المواطنة تماما!!

دى كده اما يكون فى طالب مش فى مستوى بقية الفصل فيقوم المدرس عامل له امتحان لوحده. حاجة اصلا مهينة اوى للمرأة. و مسلمة بانها مش كفؤ (هى كتابتها كده بالهمزة ع الواو صح؟)

انا متغاظة اوى ... ايه ده؟

ده بدل ما نفكر ازاى نحارب الذكورية اللى فى دماغ الناس, بنذوقها؟


على فكرة بقى ... اه ... الكوتة ذكورية, و عنصرية, و مش حق اصلا كمان

9 comments:

Mohamed Mahmoud said...

صح عندك جق

Unknown said...

مش كده برضه يا محمد؟؟

amro said...

كلام صحيح ومظبوط بس الناس معندهاش عقدة من الستات واننا في مجتمع ذكوري ده كلام مش صحيح هي المرأة اصلا ما أثبتتش قدرتها على المنافسة لحد دلوقتي في مجتمعنا

Reham said...

طول ما هما سايبين فى المادة الاولى كلمة مواطنة طول ما هنفضل كدة ,مشميلا راجل وست ,مسلم ومسيحى و الخ بقى لحد ما نزهق, وكان فى ايديهم يحلوا المشكلة ويقولوا وكل المواطنين سواسية فى حقوقهم وواجباتهم وامتيزاتهم وخلصنا,ست بقى راجل بقى انشالله خنثى وبعد كدة كل واحد وشطرته ,الناس دى لسة بتضحك علينا مش فاهمين ان الدستور عقد اجتماعى واحنا رافضينه يبقى مرفوض ومفيهوش اغلبية دة لازم موافقة كل الافراد لان الكل فى الحالة دة مش بيعبر عن الجزء , بس احنا منحوسين وهنفضل كدة

mahmoud said...

معاكي كل الحق ..كوتة المرأة إهانة للمرأة لأنها تأكيد صريح إن المراة مش هتدخل المجلس إلا لو ما نافسهاش رجالة على المقعد...لازم يكون معيار المنافسة العقل والحكمة والقدرة على التعبير عن الناس وخدمتهم..معيار الحكم على الانسان بعمله مش بجنسه ولا حتى بكونه عامل أو فلاح أو فئات كلها تصنيفات لازم نلغيها

Emtiaz Zourob said...

انا معاك برضه انه الكوتة بتزيد قصة التمييز ضد المرأة ، بس ساعات بتكون الكوتة للرجال كمان يعني ؟؟ في كثير مؤسسات عندنا في فلسطين بتستخدم نظام الكوتة في الانتخابات ، وبتكون مش بس للمرأة لا بتكون لها معايير مختلفة على نظام الاحزاب والاعمار ساعات .. بس بصراحة فكرة الكوتة مش حلوة كثير ، يعني المفروض انه الكل ينزل الانتخابات عادي واللي يستحق هو اللي ينجح ، بس تأكدي ساعتها انه ولا واحدة راح تنجح والسبب انه المجتمع لم يتخلص بعد من عقدة الذكورية ..

Anonymous said...

عندك حق
وعموما مفيش حاجه مابتحرقش الدم ;)

Unknown said...

ههههههههههههههه اه والله عندك حق

مصر said...

أول مرة أزور مدونتك القيمة .. تهنئتي لك على المجهود المبذول والرائع..