Showing posts with label المرأة. Show all posts
Showing posts with label المرأة. Show all posts

Monday, October 3, 2011

سلامات اكتوبر


سلامات
شهر أكتوبر هو الشهر اللي اختارته الأمم المتحدة لهدف التوعية بالعنف المنزلي (أو الأسرى) ضد المرأة.
خلال الشهر إن شاء الله, هانشر هنا و في باقي المدونات, و على كل اكاونت عندي معلومات, و أرقام, و فيديوهات, و حكايات عن العنف المنزلي ضد المرأة.
يا ريت لو حاجة لفتت نظركم تنشروها و تساعدوا في وصولها للجميع, صدقوني الكلمة بتأثر أوى



Thursday, March 31, 2011

كوتة المرأة ... باااااطل

سيبنا من العمال و الفلاحين. يمكن فى حاجة انا مش فاهماها فى الموضوع ده, او اكيد
المهم

موضوع كوتة المرأة ده حقيقى بيحرق دمى. باحسه بجد زى ما يكون تسليم من كل الاطراف بعدم احقية و كفاءة المرأة لان تكون عضو فى البرلمان.

ما تنزل الانتخابات زيها زى اى حد و تتعامل مع الناس و ماتنجحش و تحاول مع دايرتها انها تقنهم بيها و تنزل تانى و تالت. ما ده اللى بيعمله رجالة كتير.

مش هانكر ان الجو العام فيه من كتير المعوقات اللى ضد وصول المرأة بانتخابات حرة نزيهة الى الرلمان, لكن ده مش معناه انها تجرى فى السباق لوحدها.

كل طلبى كست فى مصر دايما انى اتعامل كبنى آدم. و كوتة المرأة ترسيخ للتمييز و تعطيل كبير لتحقيق هدف المواطنة.

ازاى انا ابقى حاسة و مقتنعة و عايشة و بطالب انى ابقى زيى زيه و بعدين اقبل انى انزل فى الانتخابات لوحدى خوفا من انه اكيد اميد حيكسبنى؟ فين المنطق؟

الكوتة تتنافى مع المواطنة تماما!!

دى كده اما يكون فى طالب مش فى مستوى بقية الفصل فيقوم المدرس عامل له امتحان لوحده. حاجة اصلا مهينة اوى للمرأة. و مسلمة بانها مش كفؤ (هى كتابتها كده بالهمزة ع الواو صح؟)

انا متغاظة اوى ... ايه ده؟

ده بدل ما نفكر ازاى نحارب الذكورية اللى فى دماغ الناس, بنذوقها؟


على فكرة بقى ... اه ... الكوتة ذكورية, و عنصرية, و مش حق اصلا كمان

Monday, July 12, 2010

ابوس ايديكى ياللى ناوية تخلفى ... حبى بنتك

-لو مش ناوية او مش قادرة او مش عارفة, يبقى بلاش. حرام عليكى تجيبى للدنيا بنى أدمة تعيش عمرها بغلطتك.
-لو مش ناوية تصاحبيها و تخليها متأكدة إنها ممكن تترمى في حضنك مهما حصل, بلاش.
-لو مش ناوية تربيها عندها ثقة في نفسها بدل ما تمشى في الدنيا تدور على نظرة رضا, بلاش
-لو مش ناوية تحبيها و تأكدي لها ده بدل ما تعيش عمرها أسيرة اى محاولة إنها تتحب, بلاش
-لو مش ناوية توفري لها الأمان الداخلي و الاطمئنان... بجد, بجد بلاش.
-لو ناوية تكبريها على إنها وحشة و لا تخينة ولا غبية عشان تتشاط بين الرجلين بعد كده, يبقى بلاش.

الخوف,و انعدام الأمان و الثقة في النفس و الناس و الدنيا مش بيروحوا مع الوقت, بيكبروا و بياخدوا أشكال مختلفة. و كل ما هتكبر, كل ماهيكبروا معاها! كل اللى هتعمله انها:
يا إما هتستسلم لهم... و تبقى انتى جيبتى للدنيا كائن مهزوم مهموم حزين ميت!
يا اما هتغضب لحد ما الغضب يبقى منفذها و ملاذها, و برضه هتعيش كائن ميت, كائن المرارة كلت روحه!


البنت روح بترفرف على جسد. يوم ما بيتأذى الجسد, الروح بتقع بتنهزم.
و مرة على مرة, بتعيش كارهة نفسها لانها قبلته حتى لو مش قادرة ترفضه, و كارهة اللى عمل فيها كده, و كارهاكى انتى عشان سيبتيها يحصل لها كده, و كارهة كل لحظة الم حسيتها بسبب ان انتى كنتى انانية و جيبتيها و انتى مش مستعدة ليها عشان تفرحى بانك خلفتى. خلفتى واحدة كرهت كل حاجة حتى نفسها!

لو الأم مش هاتكون الحب الغير مشروط, و الحنان و الحضن, تبقى أم مالهاش لازمة.
و لو مش متأكدة انك تقدرى تعملى كده و توفرى ده, ارحميها ... و بلاش تجيبيها!

Sunday, May 16, 2010

جمهوريةالقلب ... الرحمة يا رب


جمهورية قلبي - محمد اسكندر

كلّ ما قلبي عم ينبض و بعزّي
بتبقي ملكة و ما بقبل تنهزّي
شغلي و سهري و تعبي عشانك
عندي فيهن لذّة

نحنا ما عنّا بنات تتوظّف بشهادتها
عنّا البنت بتدلّل كلّ شي بيجي لخدمتها

شغلك قلبي و عاطفتي و حناني
مش رح تفضي لَ أيّ شي تاني
بيكفّي إنّك رئيسة جمهوريّة قلبي

شيلي الفكرة من بالك أحلالك
ليش بتجيبي المشاكل لحالك
تَ نفرض بقبل تشتغلي
شو منعمل بجمالك

بكرا المدير بيعشق و بيتحرّك إحساسو
و طبيعي إنّي إنزل هدّ الشّركة عَ راسو

شغلك قلبي و عاطفتي و حناني
مش رح تفضي لَ أيّ شي تاني
بيكفّي إنّك رئيسة جمهوريّة قلبي

حقوق المرأة عَ عيني و عَ راسي
بس يا ريتك بتراعي إحساسي
وجودك حدّي بيقوّيني
و هيدا شي أساسي

شو هالوظيفة اللّي بدّا تفرّقنا بيني و بينك
....
بي المصاري بحرقها كرامة عينك

شغلك قلبي و عاطفتي و حناني
مش رح تفضي لَ أيّ شي تاني
بيكفّي إنّك رئيسة جمهوريّة قلبي

طيب ... انا مش هاتنرفز, ولا هاكسر الدنيا, و لا هاتدايق. غاية ما هنالك هاجيب طوبة ادينى بيها على دماغى عشان ارتاح خالص بقى من المناظر دى.
ده مين ده كمان ان شاء الله؟؟ احنا ناقصين؟
لأ و ايه؟ جمهورية قلبه! قلبه جمهورية!! هى الذات بينفع تتضخم للدرجة دى؟ ماهو اللى يقول كده اكيد عنده تضخم فى الذات لدرجة انها طابقة على مراوحه و ضاغطة على خلايا مخه.
اللى زى دول مرضى و علاجهم واجب على كل مواطن.
و حسبى الله و نعم الوكيل فى كل ست بتخلف و تربى ابنها يطلع يقول الكلام ده. اصل البلاوى دى بتبقى ام ربت ابنها على انه فلتة بشرية لن تتكرر و عالم الستات ده موجود فى الدنيا لخدمة و مراعاة هذه الفلتة الكونية المتمثلة فى شخص سعادة جنابه.
كفاية عليها انها تكون رئيسة جمهورية قلبه صحيح ... هى حاتنهب ولا ايه؟!
عارفين بقى المقلب فين؟ ان دول اما بيتجوزوا ستات مش وراهم حاجة غيرهم بيتخنقوا منها, و يشتكوا انها فوق دماغه على طول, و انها معتمدة عليه فى كل حاجة!!
و كمان الباشا غيور, خايف لجمال مراته الفتاك يفتن مديرها فيعاكسها و هى نظرا لانها قليلة الحيلة الحل الوحيد ان هو يروح يكسر الشركة على دماغه ... لأ شنب!!!
طب انا عايزة اكسر حاجة بجد ... ايه ده؟؟ الرجالة دى مش هاتخلص بقى؟ و الستات هاتفضل تخلف رجالة يمرعوهم كده لحد امتى ؟
سؤال تانى ... هى دى الرجولة؟ انك تحطها فى شكل حياة انت بالنسبة لها المية و الهوا؟ مالهاش حد ولا حاجة و لا منفذ ولا ملاذ غيرك؟
الرجولة انك تبقى جنبها مش فوق دماغها و كابس على نفسها!
الرجولة انك تسندها مش تتبناها ... هى عندها اب و ام, موجودين او لأ, كويسين او لأ مش قضيتك, انت زوج مش بديل للأب!
الرحمة يا رب!