Saturday, October 2, 2010

ملتقى الشباب الاعلامى 2010


صباح الخير جميعا



انا دلوقتى فى فندق الماريوت فى القاهرة للمشاركة فى ملتقى الشباب الاعلامى 2010 بدعوة من  
اكاديمية دويتشه فيله والمركز الألماني في القاهرة 


التفاصيل كلها هنا ... و تابعوا معايا هنا و على تويتر بتاعى للتفاصيل
احنا مجموعة من ست مدونين المان و مجموعة المدونين العرب تشمل من مصر اميرة طاهر(تويتر) و طارق عمرو (تويتر),و انا
من البحرين سعاد الخواجا
من السعودية ريم السعودى
من فلسطين محمد ابو علان و اسماء الغول
من لبنان جمال غضن
من الاردن اسامة رمح
من سوريا ياسين السويح
من المغرب مصطفى البقالى
من تونس لينا

مصطفى البقالي من المغرب
أسامه الرمح من الأردن
سعاد الخواجة من البحرين
ايمان هاشم من مصر
محمد أبو علان من أراضي فلسطين المحتلة

أميرة طاهر من مصر
http://amirataher.wordpress.com/                                      
أسماء الغول من قطاع غزة
ياسين السويحة من سوريا
لينا بن مهني من تونس
جمال غصن من لبنان
ريم السعوي من السعودية
طارق عمرو من مصر
 

يعنى ايه عنف منزلى (او أسرى) ضد المرأة؟

العنف المنزلي هو كل السلوكيات اللي بيستخدمها شخص في علاقة ما بهدف السيطرة على الآخر. سواء بقى نتجوزين او لأ, و فى كل اشكال العلاقات

أمثلة  :

        *
الشتائم و التحقير
        *
منعها من الاتصال بافراد من أسرتها أو أصدقاءها
        *
حجب فلوسها عنها
        *
منعها  من الحصول على عمل أو الحفاظ عليه
        *
الأذى الجسدي تهديد او فعل
        *
الاعتداء الجنسي
        *
المطاردة
        *
التخويف و الارهاب


 العنف ممكن يكون جريمة (على الاقل فى البلاد المحترمة) ويشمل الاعتداء الجسدي (ضرب ، دفع  ، الخ) ، والاعتداء الجنسي (النشاط الجنسي غير المرغوب فيه أو القسري) ، والمطاردة. وعلى الرغم من ان الاساءة العاطفية اوالنفسية اوالمالية لا تعتبر جريمة ، فهي أشكال إساءة ممكن تؤدي إلى جريمة - مش امور هينة يعنى من الآخر- ماشى؟

العنف ممكن ياخذ اشكال كتيرة. و ممكن يحصل مرة واحدة او كذا مرة او كل فترة. و بتعتبر اهم الخطوات لمساعدة نفسك أو أي واحدة تعرفيها هى الاعتراف و التحذير و من اى محاولة عنف و لو لمرة واحدة. لمنع ما يقال عنه تعبير (عجلة العنف) ... من الاخر يعنى مفيش اعذار! مفيش حاجة اسمها خرج عن شعوره ولا ماكانش قصده ... اللى بيعمل كده مرة معناه انها جواه, و محدش يعرف ممكن تطلع تانى ازاى و امتى

اى حد ممكن يكون ضحية! ممكن من أي سن اوعرق اوثقافة اودين اوتعليم اوعمل او وضع اجتماعى او عائلى. و على الرغم من ان الرجالة كمان ممكن يكونوا ضحايا نظريا، لكن معظم الضحايا من النساء  
الأطفال في المنازل اللي يوجد فيها العنف المنزلي هم الأكثر عرضة للاستغلال و الاهمال. معظم الأطفال في البيوت دى عارفين يعنى عنف. و حتى لو ماتعرضوش لعنف جسدى او جنسى بنفسهم, لكن تواجدهم فى البيوت دى بيكون له آثار كتيرة سلبية 

لو كنتى بتعاني من العنف, اعرفى :

       1.ان انتى مش لوحدك
       2.انه مش غلطتك
       3.انك لازم تحاولى تطلبى المساعدة - حتى لو كنتى فى مصر, ربنا يقدرنا كلنا و نعرف نساعد و نقوى اكتر





-
المصدر: هنا


Friday, October 1, 2010

يعنى ايه عنف ضد المرأة؟

يعنى ايه عنف ضد المرأة؟
العنف ضد المرأة حسب تعريف الامم المتحدة هو:

"أي عمل من أعمال العنف القائم على النوع ويترتب عليه ، أو يرجح أن يترتب عليه ،اذى بدني أو جنسي أو عقلي أو معاناة للمرأة ، بما في ذلك التهديد بأفعال من هذا القبيل أو القسر أو الحرمان التعسفي من الحرية ، سواء حدث ذلك في الحياة العامة أو الخاصة"

و العنف ضد المرأة يشمل (ولكن لا يقتصر على):
1- العنف البدني والجنسي والنفسي الذي يحدث في داخل الأسرة ، بما في ذلك الضرب والاعتداء الجنسي على الأطفال الإناث في الأسرة ، والعنف المتصل بالمهر ، والاغتصاب الزوجي ، وختان الإناث وغيره من التقاليد و العادات المؤذية للمرأة ، والعنف غير الزوجي ، و الاستغلال و الابتزاز و الاضطهاد.
2- العنف البدني والجنسي والنفسي الذي يحدث داخل المجتمع العام ، بما في ذلك الاغتصاب والاعتداء الجنسي والتحرش الجنسي والتخويف في مكان العمل وفي المؤسسات التعليمية وأي مكان آخر ، والاتجار بالنساء والبغاء القسري .

3- العنف الجسدي والجنسي والنفسي الذي تقترفه أو تتغاضى عنه الدولة ، أينما يحدث.

Thursday, September 30, 2010

اهلا اكتوبر

فى عام 1995 بدأ اعتبار شهر اكتوبر من كل عام هو الشهر الخاص بالتوعية بمناهضة العنف المنزلى. ده معناه ان الشهر ده شهر مهم جدا جدا جدا بالنسبة لنا هنا.
تابعونى على المدونة هنا طول الشهر ... هايكون دايما فى معلومات جديدة, فيديوهات, مقالات, ارقام, و حاجات تانية كتير.
يا ريت تفضلوا معايا كده و اللى يعجبكم و يفيدكم شاركوا بيه لاصحابكم و الناس اللى تعرفوهم. الشهر ده فرصة كبيرة ازى عشان نحاول مساعد فى حل المشكلة دى و نساهم فى الهدف المهم ... "بيت آمن لبناتنا"