Sunday, December 25, 2011

لى لك - مدونة ترانزيت -- إذا لم تؤنث الثورة، لا يعول عليها


هذه المقولة قد تبدو للوهلة الأولى مناصرة للمرأة، إلا أنها – و بنظرة أعمق- فهم كامل و حقيقى لطبيعة البشر و حقيقة الإنسانية. فكما كتب د. يوسف زيدان في مقال من سداسية الثورة المصرية "إن الفعل الإنساني، الجدير بهذه الصفة، لابد وأن يتشارك فيه الرجل والمرأة. فهما، معاً، يعبران عن جوهر (الإنسانية) وإذا غاب جانب منهما، غاب معنى الإنسان... فإذا خلت ثورات الشعوب من المشاركة المؤنثة، صارت مما لا يعوَّل عليه" .

كن من المؤكد لي و للكثيرين، أن النظام السعودي هو نظام قمعي يعتمد على سلطة شخص بعينه وليس على سلطة القانون. وبطبيعة الحال، تقع طائلة هذا القمع في الأساس على المرأة. لهذا، فتحرك المرأة لرفض هذه السلطات هو أمر ليس هاما فقط، لكنه يوحى بتغيير كبير قادم لا محالة.

Saturday, December 24, 2011

شيكا


محمود عمران عبدالمجيد – الشهير بشيكا – اتخطف شارع محمد محمود الخميس الساعه 2 ظ ومش موجود في س 28 ولا أي قسم حسب كلام العش.

دى صورة بطاقته
 

شكله ياي و شعره مش شيك و منظره يخوف و مش من هيليوبوليس ولا ساكن فى الدريم زعبولة هاوس.
شيكا طالب فى كلية حقوق, و اخوه لاعب فى الجونة, و هو فى الالتراس وايت نايتس.

بنى آدم يا معدومى الاحساس. مصرى من اللى تشوفوه راكب القطر و مستنى المينى باص.
فاكريننا هنخاف اما تلمونا و تخطفونا؟

حسبى الله و نعم الوكيل

و على فكرة... شيكا ده لو واحد عمل حاجة ضد القانون, يبقى يتقبض عليه بأمر من النيابة, و يتحقق معاه برضه فى النيابة, و يتحجز و يتحاكم و انشالله يتسجن 50 سنة ولا ياخد اعدام حتى
بس بالقانون... مش خطف
ايه؟ مش هاتلايموها بقى؟ ناويين على ايه؟ مين بقى اللى بيشعلل؟ مين اللى عايز الدم يفضل يغلى و الشباب تفضل غضبانة؟
مش كفاية البيوت الحزانة؟ مش كفاية الامهات الثكالى؟ كمان بيوت فيها ام دلوقتى هاتتجنن على ابنها مش عارفة هو فين ولا جرى له ايه؟
حسبى الله و نعم الوكيل ... حسبى الله و نعم الوكيل