Sunday, April 22, 2012

التدخين ضار جدا بصحة المشاهد...لو المدخن ست


الرقابة تعترض على مشاهد تدخين بطلات «سر علني» السجائر

الرقيب يقرأ السيناريو الذى بين يديه، هنا مشهد لإحدى بطلات المسلسل تمسك بيدها السيجارة وتتحدث إلى أخرى، فيواصل القراءة إلى أن يجد بطلة ثالثة تدخن السجائر أيضا، ولكنه لم يلتفت إليها أيضا هذه المرة، إلى
أن يتكرر الموقف فيتوقف الرقيب عن قراءة سيناريو مسلسل سر علنى، الذى تقوم ببطولته غادة عادل وإياد نصار، ليدون أولى ملاحظاته
 جميع بطلات المسلسل يدخنّ السجائر
حيث أكد مصدر من داخل هيئةالرقابة على المصنفات الفنية، في تصريحات لـ«الدستور الأصلي»، أن هذه الملاحظة تم تدوينها بالفعل على مسلسل سر علنى الذى يكتبه محمد ناير وتخرجه غادة سليم ومن إنتاج شركة «العدل جروب، معتبرا أن هذا السلوك جديد على المجتمع المصرى، ومؤكدا فى الوقت ذاته أن التقرير لم يرسل بعد إلى أسرة المسلسل، ومن جهته، أكد محمد ناير، مؤلف المسلسل، فى تصريحاته لـالدستور الأصلي، أن الملاحظة لم ترسل بعد، لكنها ليست أزمة على الإطلاق من وجهة نظره، مشيرا فى الوقت ذاته إلى أنه سيقوم بمحاولة حلها حينما ترسل إليه الملاحظة، لكنه لن يتم الاستغناء عن المشاهد التى تم تصويرها بالفعل ويتكرر فيها هذا الموقف



المصدر: صحيفة الدستور. ده كده ع الصبح وانا ليسة باشوف اليون شكله هيبقى ايه. متشكرين اوى لعزة مغازى.

المشكلة مش فى ان فى ستات بتشرب سجاير فى المسلسل وان الناس تزعل ومشارعها تتعور اما تشوف المنظر ده، المأساة فى ان ده بيحصل فعلا سواء بقى عاجبنا او لأ.
نفس اللى بيغظنى من الدراما المصرية اللى مش بتجيب محجبات بالعدد والتنوع اللى موجود فى الحقيقة. مش شغلة الدراما انها توريك اللى انت متخيل انك عايز الدنيا تكونه. هو ده الواقع. واللى يقول بقى انه مش ستات كتير بيشربوا سجاير يبقى يشوف حد تانى يسرح بيه.
امبارح كنا مجموعة بتتفرج على صور من مصر فى اوائل القرن الماضى وطبعا الصور غاية فى الجمال والثراء، وكل اللى لفت النظر هو ان الستات فى بعض الصور دى كانوا بيشربوا سجاير!!!

ما تكبروا مخكو بقى وتريحونا شوية. بتشرب سجاير ولا بتشم شرابات حتى. وتانى مش دى الأزمة. طب يعنى هو لما المسلسلات تجيب كل الستات مش بتشرب سجاير خلاص كده قضينا على التدخين؟ كانت كل الأفلام والمسلسلات اللى بستات مش محجبة خلت الستات تبطل تلبسه... كل اللى بيحصل ان ده بيزود الفجوة بين الفن والقائمين عليه والمتلقين فى مصر. دول فى وادى والتانيين فى وادى تانى خالص.

وقبل ما ننط لاستنتاجات مالهاش لازمة، انا شخصيا مع منع مشاهد التدخين والشرب اصلا بشكل عام فى الدراما والدراما التليفزيونية بشكل خاص وده لأسباب اجتماعية وتربوية معينة بس ع الكل مش ع الستات بس و مش عشان المساواة والكلام ده لأ، عشان يبقى له الأثر التربوى المرغوب فيه اصلا. وعلى فكرة الوضع ده اصلا سائد فى دول كتير ومن غير قانون ولا رقابة. انا حتى فاكرة من ييجى 15 سنة كده الناس قلبت على كم ممثل امريكانى كان منهم بروس ويليز عشان موضوع انه بيشرب سجاير كتير فى كل افلامه وده بيشجع الشباب الصغير انه ينساق ورا فكرة الشاب الكول الجامد آخر 35 حاجة اللى على طول فى بقه سيجارة، وبعدها بشوية كان فى اعتذارات ولو تاخدوا بالكم قللوا الموضوع ده جدا. كل طقم المسلسلات الامريكى البوليسى ماتلاقيش فيه حد بيدخن الا المجرم اللى بيشم ابو وشم على دراعه ورد سجون.

مفيش مانع تمنعوا مشاهد التدخين والله... بس على الكل
وتانى الله يسامحك يا عزة



الستات مش أهل خبرة



السؤال الوجودى اللى بيطرح نفسه:
هو فين الستات فى "أهل الخبرة"؟؟؟؟؟


عشان المصدر مهم جدا دلوقتى خصوصا فى موضوع مرشحين الرئاسة ده انا الصورة دى لقيتها فى الصفحة دى على الفيسبوك وطبعا العهدة الاساسية على اصحاب الصفحة لحد ما اتأكد انه بوستر رسمى فى الحملة

Thursday, April 19, 2012

سلفى يتهم مذيعة انها يهودية... وهى ترد




سلامات. يعنى الواحد ﻻ بيه وﻻ عليه و بيحاول يفهم فى ايه بيحصل فين والكوبرى اللى مقفول ومليونية التراب بتاعت ،بكرة، وابص على الفيسبوك اﻻقى الفيديون القنبلة ده




واللى متضايق من الراجل الضلالى... واللى متعصب من المذيعة الرداحة – اللى زعﻻن انى باقول عليها كده مازعلش ليه انى قلت ان الراجل ضلالى؟ - وكله عمال يعمل شير للكذب والافترى



ويحضرنى هنا سؤال هام.... هى اليهودية تهمة من امتى؟ على قد معلوماتى اليهودية ديانة وديانة اصيلة كمان. واحدة من الديانات السماوية الثلاثة وتقرب الى الاسلام اكثر من المسيحية ودى اى طفل مامته حكيت له و هو بينام عن سيدنا موسى عارف الموضوع ده وعارف ان هم بيصلوا وكﻻم من ده كتير.



طيب بما ان الموضوع محتاج دروس. اليهودية ديانة والديانة عمرها ماتكون تهمة. اما التهمة فهى الصهيونية وهى الإيمان بكيان دولة قائم على اساس دينى عنصرى استعمارى.
فى يهود كتير فى العالم ضد الصهيونية اصلا اكتر مننا كعرب او مسلمين ﻻنهم هم شايفينها شوهت دينهم زى ما احنا كده بنشد شعرنا من آل ابرهة اللى مطلوقين فى كل حتة و بنبقى فى نص هدومنا اما بينكشفوا على اجانب.



رد فعل المذيعة مشكلته مش فى الاسلوب ولكن فى قبولها الانسياق لكلام عنصرى من النوعية دى



وتانى … … … اليهودية مش تهمة