مظاهرة ضد قوانين سوزان مبارك للأسرة
تظاهر العشرات من المتضررين من قوانين الأسرة أمام نقابة الصحفيين، مساء اليوم، مطالبين بإلغاء قوانين الأسرة التي وضعتها سوزان مبارك، ومنها قانون الرؤية والحضانة والاستضافة، ووصفوها بأنها باطلة ومخالفة للشريعة وفقًا للمذاهب الأربعة، وأدَّت إلى إفساد الحياة الاجتماعية في مصر.
المصدر: اخوان – الشر برا و بعيد – اون لاين
همممم ... شكلكوا كده ناويين ع الشر, و مش حتجيبوها لبر
ليه كده طيب؟ و اما تزعلوا الستات يبقى كويس؟
ده اول امبارح الموضوع اتطرح فى منشية ناصر, والله ما تعرفوا الستات قالوا ايه! ده فى منتقبة حاليا بتحضر اليفط!!
نتكلم جد شوية ... بلاش
يعنى حقيقى بلاش
مش كويس علشانكوا
بصوا ... احنا فضلنا فترة طويلة فى حياتنا عندنا كمية مهولة من الفجوات مش الثغرات القانونية فيما يتعلق بالاحوال الشخصية. و فيـــــــــــــــــــــــــــــــــــن, بعد عذاب سنين بدأ الموضوع يتحسن شوية. و قدرنا نوصل لمرحلة ان القوانين بدأت تبقى نوعا ما احسن, لكن المشكلة فى تطبيقها.
خلينا نتكلم كده بالراحة. قانون الحضانة مثلا: عايزين ايه؟ هو لما بنقول حضانة الطفل لامه, بندى امه جايزة ولا بندى الطفل حقه؟ ما هو لو على الجميع, الكل نفسه العيال تعيش مع الاتنين ... لكن خلاص, الطلاق حصل و خلصنا. العيال بقى اللى انتوا جيبتوهم يعيشوا سعداء بيكم و بسبب وجودكم دول, حيعيشوا فين؟
مش القانون بيقول لو الست اتجوزت, الحضانة بتنتقل لامها؟
عايزين ايه؟ عايزين طفل عنده 7 سنين يعيش مع مرات ابوه و امه عايشة على وش الدنيا؟؟ انتوا ايه فى ايه؟؟ مالكوا؟؟
يعنى انهى اقرب لطبيعة الكون؟ انه يعيش مع امه و يشوف ابوه ولا العكس؟
7 سنين؟؟ 7 سنين يا ناس؟؟ يعنى فى تانية ابتدائى؟؟ يعنى ما شاء الله. كوكتيل بقى من فقدان الامان على عدم الثقة بالنفس, على حبة مشاكل سلوكية كده لانه عايز يلفت النظر, على شوية عنف و عدم تركيز فى الدراسة من كتر الخوف اللى جواه.
مش كفاية ان احنا ليسة عندنا الطلاق الغيابى؟؟ يعنى الست لا بيها ولا عليها تلاقى ورقة طلاقها جاية لها كده فى ايد واحد ماتعرفوش؟
انتوا ماسمعتوش عن هبل اسمه انذار الطاعة؟؟
مش القانون فى الاصل - و المبنى على الشريعة - يلزم الزوج و المأذون بان الزوجة تعرف بان جوزها اتجوز واحدة تانية؟؟ تعرفوا القانون ده بيتم التحايل عليه ازاى من قبل الاتنين؟؟
ليه الست ماتكونش توقيعها بالعلم و الموافقة شرط عشان جوزها يتجوز واحدة تانية؟؟
مش ده شرع برضه؟؟
انتوا فتحتوا على روحكوا فاتوحة و الله مانتوش قدها
مش كفاية ان احنا ليسة عندنا الطلاق الغيابى؟؟ يعنى الست لا بيها ولا عليها تلاقى ورقة طلاقها جاية لها كده فى ايد واحد ماتعرفوش؟
انتوا ماسمعتوش عن هبل اسمه انذار الطاعة؟؟
مش القانون فى الاصل - و المبنى على الشريعة - يلزم الزوج و المأذون بان الزوجة تعرف بان جوزها اتجوز واحدة تانية؟؟ تعرفوا القانون ده بيتم التحايل عليه ازاى من قبل الاتنين؟؟
ليه الست ماتكونش توقيعها بالعلم و الموافقة شرط عشان جوزها يتجوز واحدة تانية؟؟
مش ده شرع برضه؟؟
انتوا فتحتوا على روحكوا فاتوحة و الله مانتوش قدها
ما تستهدوا بالله كده
بعدين ارحمونا بقى من تمحيككوا فى الدين ده! كأن الدين ده نزل بس عشان نشوف ننكد ع الستات ازاى و نقهرهم. والله الدين مش كده, و الاسلام بالذات مش كده.
طلعونا من دماغكم
و طلعوا فكرة انكم حتستخدموا الدين حجة عشان تنكدوا علينا عيشيتنا بيها. لأ ... لأة!
الدين ده بتاعنا زى ما هو بتاعكوا, و عشاننا زى ما هو عشانكوا
و مش موجود عشان تقعدوا انتوا تنكشوا فى اشباه احاديث مشكوك فيها و تلوين كلام عشان تكسبوا مواقف شخصية لاهدافكم.
نفسى انسان بس يقول لى جابوا منين حوار 7 و 9 سنين اللى بيقولوا عليه فى الشريعة ده؟؟ انهى شريعة؟؟
شريعتكوا انتوا!
شريعتكوا اللى ماكانش فيها خلع ايام ما كانت المطالبة بيه موجودة. شريعتكوا اللى كانت عايزة الست تفضل عايشة مع راجل بالعافية بس عشان ما يبقاش للست حق الكلمة فى حياتها! انتى هنا بتاعتى, و انا اللى اقول امتى تمشى
الستات هتعرف تفك من جوازة مش عاجباها من غير ما تتذل للراجل؟؟؟ يا خراشى!!! واااااسلامااااااااه
بصوا ... حقولها لكو تانى و اجرى على الله: بلاش معانا احنا اللون ده, تراجعوا
مش حلو صدقونى
و عشان بس الامور تبقى واضحة, حتعملوا مظاهرة فيها 20 راجل ولا 200, ربنا ما يوريكوا بقى زعل الستات اما يتفقوا ع الرجالة. هو انا اللى هقول لكم؟؟ ههههههههههههههه
هى بس الميزة الوحيدة, ان دى احتمال تكون بداية نهاية التواجد الحقيقى للاخوان و الجماعات فى مصر ههههههههههههه
تخيلوا كده الستات فى منطقة ما يعرفوا الحوار ده, و ييجى بعد كده اخواننا المسلمين – بسم الله الرحمن الرحيم – يعملوا مؤتمر شعبى فى المنطقة دى .... ههههههههههههههه يا حلاوة!!
بلاش ... عشان العروبة بقول لك بلاااااااااااش
5 comments:
الله أكبر!! الى الجهااااااااااد
مافيش حاجة تتقال بعد كلامك. موااافقة بالإجماع و للصبح بقة.
و كتعليق على اسلوب الكتابة 100.100 ومكتوب باحترافية و سلاسة جميلة. طالع بحماس من العقل يوصل تمام للقلب. باحب اتابع تطورك الاسلوبي :))
ana msh gamester ana Mecha!! lih ktab kda? LOL
اعتقد ان كلامى عن الطفل مش بعيد عن كلامك , بصى كده و ياريت تقوليلى رايك
http://fakefactsinislam.blogspot.com/2011/04/blog-post_17.html
ياريت لو عندك وقت تقرى الجزء الاول و التالت.
شكرا يا ميكا يا جميلة
انا برضه اتخضيت مين الاسم ده
هههههههههههههههههههههههه
غدير:
شكرا جزيلا على مقالك الهام اللى بقراه دلوقتى
ايوة كده
خلينا ننور الدنيا و نتحد لحقنا
برافو برافو برافو
أولا :الذى يحدث فعليا بالنسبة للخلع لا علاقة له بالخلع الذى فى الشريعة اللإسلامية الذى تشترط أن ترد المهر كاملا ولن أقول لك أن بعض الفقهاء قرروا أن تدفع العوض للرجل لكن الذى يحدث هو أنها ترد مقدم المهر المكتوب فى عقد الزواج وغالبا ما يكون جنيه واحد لهذا كثر الخلع جدا لإنه ببلاش خلع بجنيه وعقلا سيدى الفاضل لا يوجد واحد بيتجوز بجنيه والواقع أنه دائما تكون هناك قائمة بعشرات الألوف فيها التكاليف الحقيقية للزواج وهذه هى التى تستولى عليها الزوجة ولا تعترف بها المحاكم ولا بجزء منها كمهر فسبب كثرة الخلع حاليا هو أنه خلع لصوصية وسرقة تتم تحت نظر القانون
ثانيا: الخوف من زوجة الأب لماذا لا يقابله خوف من زوج الأم ؟ خصوصا لو الأبناء إناث ؟ ولن تقوم الجده أم الأم بمنع الأحفاد عن زيارة أمهم-ابنتها بل غالبا ستكون حضانتها صورية ويستمرون فى الحياة مع أمهم وزوجها وتقبل يا سيدي الكوارث الاجتماعية من معيشة الأبناء خصوصا لو إناث مع زوج أم
أما خوفكم من أن يقوم الأب وأهله من شحن الأبناء ضد أمهم لهذا ترفضون الاستضافة فإن العكس هو الصحيح فانحياز القانون لجعل الأبناء فعليا ملكية خالصة للأم يشجعها على تشوية صورة الأب أمامه فالظلم للأب ليس هو الذى سينشئ الأبناء مستقرين نفسيا بل العدل أهدى سبيلا سيدي الفاضل وبالعدل لن يستطيع أي من الطرفين تشوية الآخر أمام الأبناء إذ سيستطيع الآخر تصحيح الصورة المغلوطة عن نفسه وهذا العدل هو الذى سينشئ الأبناء مستقرين نفسيا
فالحل سيدى الفاضل هو الرعاية المشتركة للأبناء وليس تسليم الأبناء ملكية خاصة لطرف دون طرف فالأبناء بني آدمين وليسوا شيئا يتملك بنىآدمين يحق لهم أن ينشأوا على علاقات متساوية بالطرفين وليسوا شيئا للتملك لطرف ينكل بهم بالطرف الآخر
فالنساء يا سيدى ليسوا ملائكة وكذلك الرجال ليسوا شياطين ولكن حين ينحاز القانون انحيازا تاما للنساء فهو يحتاج إلى نبيات حتى لا يظلمن أزواجهن وللأسف سيدى القوانين المنحازه هي التى حولتهن إلى شياطين
Post a Comment