تحديث بقى عشان البوست مكتوب من بدرى بس على ما طلع بعد حوارات تسجيل المخلوع: آسر و 10 تانيين طلعوا النهاردة بعد الظهر, و ليسة فى تلاتين جوا.
آسر طالع حالته الصحية سيئة و جسمه مليان رضوض و كدمات و حاليا فى المستشفى للفحص و الاشعات و كده
واللى عمل كده كان قبل احتجازهم و ضربهم جامد جدا بشكل غبى.
الكلام ده عرفته من سارة اخت آسر, و ماعرفش تفاصيل عن التلاتين الموجودين حاليا محتجزين. هم فى البتاعة اللى فى العاشر دى. لو حد يعرف حاجة يقول لو سمحتم.
و تانى ... حسبى الله و نعم الوكيل
هو فى ايه؟؟؟ فى ايه نفسى افهم؟؟
آسر طالع حالته الصحية سيئة و جسمه مليان رضوض و كدمات و حاليا فى المستشفى للفحص و الاشعات و كده
واللى عمل كده كان قبل احتجازهم و ضربهم جامد جدا بشكل غبى.
الكلام ده عرفته من سارة اخت آسر, و ماعرفش تفاصيل عن التلاتين الموجودين حاليا محتجزين. هم فى البتاعة اللى فى العاشر دى. لو حد يعرف حاجة يقول لو سمحتم.
و تانى ... حسبى الله و نعم الوكيل
هو فى ايه؟؟؟ فى ايه نفسى افهم؟؟
يعنى الحرامية متسابين و بيقولوا لازم ورق و ادلة و سكتنا. قتالين القتلة مش ممسوكين و بيقولوا لنا تحقيقات و شهود و رفع ادلة و اتنيلنا سكتنا.
كمان بتحبسوا الشباب؟؟ فى ايه بيحصل نفسى افهم؟؟
امبارح السبت الفجر, و الجيش بسم الله ما شاء الله عامل خطة تحالف الشرطة العسكرية و الامن المركزى و اللى هم لابسين الوان زى فيلم سكوات اللى عند سيتى ستارز دول "فى ناس بتقول عليهم 777 بس انا ماعرفش فى الحاجات دى"
المهم ا نفى 41 شاب زى الورد اتقبض عليهم بعد حظر التجول من الميدان بتهمة خرق حظر التجول
ييجى واحد يسألنى و ايش عارفك انه بعديه؟ اقولك الشهود و المقبوض عليهم و تفاصيل الموضوع كلها بتؤكد على كده. ثم ان اصلا الاعتصام السلمى ده حق دستورى قانونى تكفله كل المواثيق الدولية لحقوق الانسان كشكل حضارى لتعبير المواطنين عن اعتراضهم على امر من الامور فى بلادهم.
41 شاب من طلبة الجامعات المصرية المحترمة و غيرها مقبوض عليهم و معرضين لمحاكمات عسكرية فى الايام اللى احنا فيها دى.
انا عرفت التفاصيل منين؟ من اخت واحد فيهم "آسر عبد الغنى", عرفت من سارة اخته التفاصيل. و طبعا مش قادرة انسى كلامها "آسر من شباب الثورة, و اخد كذا رصاصة يوم 28, و ليسة مخفش من اللى حصل له, يقوم يتعامل معاملة المجرمين؟"
يعنى الحرامية متسابين و المسئولين فى الداخلية عن قتل الناس يوم 28 متسابين, و المتورطين فى فتح السجون و الانفلات الامنى و ترويع الناس متسابين, و مجرمين موقعة الجمال متسابين, او بيدوروا لهم على ادلة تدينهم عشان لازم ادلة و ورق ... و فى ناس وقت, شباب زى الورد ممكن يتشدوا على محاكمات عسكرية فى ساعات؟
صفوت الشريف ماتاخدش فى محاكمة عسكرية ليه بالخيانة العظمى؟
جمال مبارك؟ زكريا عزمى؟ يوسف والى –اللى محدش يعرف عنه حاجة- و غيرهم, ليه دول ماتاخدوش من بيوتهم بمحاكمات عسكرية او حتى حبس فورى على ذمة التحقيقات و خلاص؟
ليه سهل اوى كده ان الشباب الحلو يتاخد و فى ساعة يتحبس على ذمة التحقيق؟ و صعب و طويل اوى يتشاور بس على اباطرة الظلم لسنين فى البلد؟
و للعلم, للى مش فاهمين ليه الناس مصممة ان فى تباطؤ من الجيش, القرارات الفورية اللى بتتنفذ فى مفيش دى هى اللى مخلية الناس مصدقة و عارفة ان الجيش لما بيعوز يجيب حد بأى فيلم بقى بيجيبه
آسر عندكم ليه يا جيش؟؟؟
حسبى الله و نعم الوكيل
1 comment:
حق التظاهر مكفول اي نعم لكن مافيش تظاهر بدون تصريح ولا في فرنسا ولا في اي حتة تانية لازم اخطار للجهات المعنية بمكان التظاهر ومدتة وعدد المشاركين قيه
Post a Comment