العيد الكبير له عندى معزة خاصة
عير انه عيد الحج ودى حاجة بقيت مؤخرا على بالى كتير وبفكر فيها اوى، العيد ده مثال حى سنوى متكرر على ان فى حاجة حصلت للدين ده
الأضحية - اللى شىء جميل وانسانى بحت تحول لعرض سادى دموى مقرف مقززن مشهد يخلى افلام زى gladiator و hunger games تتعرض على قنوات كرتون الأطفال
الأضحية لها معايا دنيا تانية
لان القصة دى فيها نقظة بتأثر فيها جدا
لان سيدنا ابراهيم النبى اللى واللى لما جاله الأمر وبقى متأكد انه امر الهى بقتل ابنه، رغم انه أمر، لانه يخص ابنه، قال له "فأنظر ماذا ترى"
شوف يا ابنى انت رأيك ايه
مش هو ربنا امرنى بكده وانا هقطع رقبتك دلوقتى وتقول حلو والا تبقى كافر يا ابن ال****
امر الهى
اللى هى حجة كل راجل بيفطس مراته فى عيشة اللى خلفوها ويحجبها غصب عنها ولا يقعدها من شغلها ولا يقول لها انا راجل بقى واتنيلى
اللى هى حجة كل اب وام فاشلين مش عارفين يردوا على اسئلة عيالهم بان ربنا امرنى اربيك عدل وانت مسئوليتى
الأضحية اللى فيها وتقريبا للمرة الوحيدة فى السنة الناس بتقسم الأكل بالعدل وبالعضمة والحتة، وتقسم تلت للبيت وتلت اللقرايب والصحايب والجيران وتلت للفقراء والمحتاجين
وانا اصغر كنت باشوف اهلى وهم بيقسموا، بالعضمة والدهنة والحتة
كله زى بعضه
ليه اتحولت لعرض دموى بالطريقة دى؟
يعنى اليوم اللى ربنا بيخلينا نعمل حاجة انسانية جميلة كده، نحوله ليوم المسلمين فيه بيخلوا الأرض بقعة حمرة ريحتها وحشة وكلها عيال فرحانة بالخروف وهو بيتسلخ وهو صاحى؟
مين يقول كده؟
ليه؟؟
ليه الدبح فى الشوارع ومداخل العمارات؟
ليه الأطفال تشوف القتل والدم وقطع الرقبة وبعدين تاكل اللحمة لحد ما يبقى عادى وتضحك عليه؟
ليه؟
ليه؟
ليه كل حاجة جميلة بتحولوها بالوحشية دى؟
ما انا ابويا بقاله سنين بيدبح عند الجزار، عادى زى مجايب اللحمة العادية، والجزار بيشفيها ويقطعها كبير ويشيل العضم على جنب ويديها لنا واحنا نقسمها، ليه الشو الوحشى السادى المريض السنوى ده؟
اوففف
No comments:
Post a Comment